Maako 12:36 - Baibo Busansulushi Bwa Libuku Ili

³⁶ Defedi mwiine ndyaakatanjililwa aMushimu Usalashi wakaamba ayi, ‘Mwaami Lesa wakaambila Mwaami wangu ayi, kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.’

Maako 12:36 Marejeleo ya Msalaba

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Bene Ebulu 1:13

Alimwi Lesa taakwe kwaambilawo kale munjelo wakwe nabi womwi ayi, “Kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.”

1 Bene Kolinto 15:25

Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.

Milimo ya Batumwi 1:16

waamba ayi, “Nobamakwesu, Malembo akwe Lesa akalinga kweelete kucitika ayo akaamba Defedi ndyaakatanjililwa aMushimu Usalashi. Lakwe wakaamba shakwe Judasi, uyo wakatanjilila baabo bakacata Jesu.

Neyemiya 9:30

Kwamyaaka iinji mwakalinga kukomenyabo caamba pali mbabo. Mwakalinga kubacenjesha aMushimu wanu kwiinda mubalaluki banu. Sombi balo tebakalinga kumunyumfwila, sobwe. Aboobo mwakabaaba mumaansa a balwani babo.

2 Samwelo 23:2

“Mushimu wa Mwaami Lesa ulaamba muli ndime, maswi akwe ncakwiila ngaaswa mumulomo wangu.

2 Pita 1:21

Mukwiinga balaluki bakulukulu tebakalinga kwaamba shakaswa mukuyanda kwabo beene, sombi bakalinga kutanjililwa aMushimu Usalashi ndibakalinga kwaamba maswi akwe Lesa.

1 Pita 1:11

Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.

Bene Ebulu 4:7

Nceceeco Lesa ncaakabambila bushiku bumwi, ubo mbwaaita ayi, “Sunu.” Lesa wakalinga kwaamba pabushiku mbomunya ubu kwiinda muli Defedi, ndipakeenda myaaka iinji ndyaakaamba paMalembo aya ngotwaambawo kale ayi, “Na munyumfwe maswi akwe Lesa sunu, mutabi beshicimpamya.”

2 Timoti 3:16

Malembo akwe Lesa oonse akayubululwa anguwe mwiine alimwi alayandika mukwiisha shalushinisho, kukasha shilubo, kululika shitaluleme amukupa milasho iyandika mukwikala buumi bululeme.

Milimo ya Batumwi 28:25

Ono kabatana kupalangana akunooya cipikishanya beene abeene, Paulo wakaamba maswi akweelaako ayi, “Ncakwiila Mushimu Usalashi wakaamba kabotu ndiwakatanjilila mulaluki mukulukulu Isaya kulwiita bamashali besu bakulukulu

Mateyo 5:35

nabi kulumbila ayi, ‘Panshibo!’ mukwiinga mpaalyata Lesa. Utalumbili alimwi ayi, ‘KuJelusalemu!’ ceebo njendabala inene ya Mwaami Munene.