Maako 12:17 - Baibo Busansulushi Bwa Libuku Ili

¹⁷ Lyalo Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.” Mpeeke bakakankamana ndibakanyumfwa kukumbula kwakwe.

Maako 12:17 Marejeleo ya Msalaba

Bene Loma 13:7

Aboobo lipila misonko yoonse yeelete kubeendeleshi, akubalemeka.

1 Pita 2:17

Amulemeke bantu boonse. Amusunane abashominyinaanu. Kamuloonda Lesa. Amulemeke muleli munene wa kuLoma.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

Tushimpi 24:21

Omwanaangu, kolemeka Mwaami Lesa alimwi amwaami ukulela. Utacatani pomwi abaabo beshikubabukila

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Mateyo 22:46

Sombi taaku muntu nabi womwi wakakumbula nabi liswi lyomwi. Lyalo kuswa pabushiku ubo, taaku muntu wakalinga kwiipusha Jesu nabibo mwiipusho womwi wakumusunka.

Mateyo 22:22

Ndibakanyumfwa boobo, bakakankamana. Lyalo bakaswaawo bamushiya.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Maako 12:30

Suna Mwaami Lesa, Lesa wako amoyo wako woonse, abuumi bwako boonse, amiyeeyo yako yoonse alimwi ankusu shako shoonse.’

Mateyo 22:33

Mpeeke bantu baanji baanji abo bakalingaawo ndibakanyumfwa kwiisha kwakwe, bakakankamana abuumbi.

Tushimpi 23:26

Kutikisha nsheeŋamba omwanaangu alimwi ukonkele citondesho ca buumi bwangu.

Mateyo 8:10

Ono Jesu ndyaakanyumfwa boobo wakakankamana, lyalo wakaambila baabo boonse bakalinga kumukonkela ayi, “Ntoomulwiita calushinisho ayi nshina kubonawo kale lushomo lunene bobulya nabi muIsilaeli!

Mateyo 22:21

Abalo bakamukumbula ayi, “Nshakwe Sisa, muleli munene wa kuLoma.” Alakwe Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.”

Maako 12:16

Abalo bakamupa lyaali lya kuLoma mpeeke wakabeepusha ayi, “Ino mutwi aliina shiliiwo nsha baani?” Bakakumbula ayi, “Nshakwe Sisa, muleli munene wa kuLoma.”

Luka 20:25

Bakakumbula ayi, “Nshakwe Sisa, muleli munene wa kuLoma.” Lyalo wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.”