Maako 11:18 - Baibo Busansulushi Bwa Libuku Ili

¹⁸ Bamatanjilili ba bapailishi alimwi abafundishi ba Milawo ndibakanyumfwa makani aya, bakatalika kulangoola nshila yakucailamo Jesu. Sombi bakalinga kumuloonda, mukwiinga bantu baanji boonse bakalinga kukankamana akwiisha kwakwe.

Maako 11:18 Marejeleo ya Msalaba

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

1 Baami 22:18

Mpomunyaawo Aabu wakaambila Jeoshafati ayi, “Sa nshikwe kukulwiita ayi uyu taalalukiwo shibotu pali ndime? Lyoonse ulalalukabo sheenka shibiibi!”

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Mateyo 21:15

Sombi bamatanjilili ba bapailishi abafundishi ba Milawo, ndibakabona shintu shikankamika ishi nshaakacita alimwi andibakanyumfwa banike bakalinga koolobesha muŊanda yakwe Lesa ayi, “Alumbaishikwe mwanaakwe Defedi!” bakakalala.

Mateyo 7:28

Ono Jesu ndyaakamanisha kwaamba maswi aya, bantu baanji balya bakakankamana abuumbi pakwiisha kwakwe

Maako 1:22

Boonse bakakankamana abuumbi ndibakanyumfwa kwiisha kwakwe, mukwiinga wakeeisha ankusu, kuteelana abafundishi ba Milawo.

Maako 11:32

alimwi inga tatwaambi ayi, ‘Mbantu’.” (Bakaloonda kwaamba boobo mukwiinga bantu boonse bakalinga kwishi ayi Joni Mubombeki wakalinga mulaluki wancinencine.)

Maako 12:12

Beendeleshi ba baJuda bakeshiba kwaamba ayi Jesu wakalinga kwaamba mbabo mucikoshanyo ncaakabalwiita. Aboobo bakalinga kusuni kwaamba ayi bamucaate. Nakubi boobo bakaloonda likoto lya bantu lyakalingaawo. Mpeeke bakamushiyabo, baswaawo.

Maako 3:6

Lyalo baFalisi bakaswaamo, baya balifuyafuya pantu pomwi abantu bakwe Elodi bamwi kwaamba ayi bacane nshila yakumucailaamo.

Maako 6:20

ceebo Elodi wakalinga kulemeka Joni camaansa obilo. Wakalinga kwishi kwaamba ayi ngumuntu ululeme alimwi usalalite, aboobo wakamulama. Nakubi kwaamba ayi Elodi wakalinga kupenshekwa mumoyo na wanyumfwa Joni kaamba, wakalinga kusuni kumukutika.

Luka 19:47

Lyalo Jesu wakalinga kwiisha lyoonse muŊanda yakwe Lesa. Mpeeke bamatanjilili ba bapailishi, bafundishi ba Milawo abeendeleshi ba cishi bakatalika kuyandoola nshila yakumucailaamo.

Luka 2:47

Bantu boonse bakakankamana ndibakanyumfwa kukumbula kwakwe kwabusongo.

Luka 20:19

Bafundishi ba Milawo abamatanjilili ba bapailishi bakalinga kusuni kucata Jesu paciindi ceenka ico mukwiinga bakeshiba ayi Jesu wakalinga kwaamba mbabo mucikoshanyo ca balimi. Sombi bakaloonda bantu bakalingaawo.

Luka 4:22

Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Joni 7:1

Kuswawaawo Jesu wakalinga kweendabo mucishi ca Galili. Taakalinga kusuni kuya mucishi ca Judeya mukwiinga bamaloba ba baJuda bakalinga kuyanda kumucaya.

Joni 7:19

Te Mose wakamupa Milawo? Ono taaku muntu nabi womwi pakati kanu ukonkela Milawo iyo. Ceebonshi mutooyanda kuncaya?”

Joni 7:46

Balo bakakumbula ayi, “Tatuna kubonaawo kale muntu waamba mbuli woolya, sobwe.”

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”