Maako 11:14 - Baibo Busansulushi Bwa Libuku Ili

¹⁴ Mpomunyaawo Jesu wakaambila mukuyu uyu ayi, “Taaku muntu nabi womwi eshi akalyeko nkuyu kuli ndiwe alimwi.” Abalo bashikwiiya bakwe bakaanyumfwa maswi aya.

Maako 11:14 Marejeleo ya Msalaba

Mateyo 21:19

Ono ndyaakabona cisamu ca mukuyu mweela nshila, wakayaako ayi mpashi inga wacanako nkuyu. Sombi wakacana taaku, kakuswitebo matewu. Mpomunyaawo wakaambila mukuyu uyo ayi, “Kuswa sunu utakacatiwo nkuyu lyobilo!” Lyalo cisamu cakeendililabo kuyuma.

Mateyo 21:33

Jesu wakabaambila ayi, “Amunyumfwe cikoshanyo acimwi. Kwakalinga muntu wakalima muunda wa minyansa, akuyakilako lushito mweela muunda. Wakakaba cilindi cakutyaninamo minyansa alimwi akuyaka katungu kalaamfu kakulindililamo muunda. Lyalo wakoobwelekesha balimi bamwi, akuya lweendo kucishi cimwi.

Mateyo 21:44

Uyo uwita palibwe ilyo, ulaakutyokooka, alimwi uyo ngweenga lyalokela, ulaakusansooka.”]

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Mateyo 7:19

Cisamu cili coonse citacati shisepo shibotu cilatemwa akuwaalwa mumulilo.

Maako 11:13

Mpeeke wakabona mukuyu palaale kakuswite amatewu. Lyalo wakaya mukubonaamo ayi mpashi inga wacanaamo nkuyu. Sombi ndyaakashika mucisamu, wakacana taamu. Kwakalinga kuswitebo matewu mukwiinga tecakalinga ciindi ca nkuyu.

Maako 11:15

Jesu abashikwiiya bakwe ndibakashika muJelusalemu, Jesu wakenjila muŊanda yakwe Lesa akutalika kutandamo boonse abo bakalinga kuulisha akuula. Wakapinoona matebulu a bantu beshikushinta maali ashuuna sha beshikuulisha mpolobe.

Joni 15:6

Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

2 Pita 2:20

Bantu balapulushikwa mushintu shibiibi sha mucishi ca panshi kwiinda mukwishiba Mwaami Jesu Klistu, Mupulushi wesu. Sombi na baboola mushintu isho akukomwa, ncakwiila bwikaalo bwabo bulabica kwiinda mbuli mbobakalinga pakataanshi.

Ciyubululo 22:11

Uyo woonse ucita shibiibi, ulyeelete kutolelela kubisha, awooyo ucita shintu shilensha nsoni, ulyeelete kutolelela kushicita. Alakwe uyo ucita shiluleme, ulyeelete kutolelela kushicita, awooyo usalalite, ulyeelete kunoosalalitebo.”