Maako 10:43 - Baibo Busansulushi Bwa Libuku Ili

⁴³ Sombi tabwishi mbocibete ubo pali ndimwe. Uyo woonse usuni kuba munene pali ndimwe, ulyeelete kuba musebenshi wanu.

Maako 10:43 Marejeleo ya Msalaba

Maako 10:42

Mpomunyaawo Jesu wakabeeta bashikwiiya boonse akubalwiita ayi, “Mwebo mulishi kwaamba ayi abo babandwa ayi baami ba baswamashi bakunsengwe, balabonesha bwaami pali mbabo. Abalo beendeleshi babo mbweeke ubo.

Maako 10:44

Ncakwiila uyo woonse usuni kuba mutanjilili pali ndimwe, ulyeelete kuba musha wa boonse.

Maako 9:35

Mpomunyaawo Jesu wakekala panshi akwiita bashikwiiya bakwe bali likumi abobilo. Lyalo wakabaambila ayi, “Uyo woonse utooyanda kuba mutanjilili ulyeelete kuliceesha, akuba musebenshi wa boonse.”

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Luka 22:26

Sombi mwebo tabushi mbomweelete kuba ubo, sobwe. Munene pali ndimwe ulyeelete kuba mbuli mwanike alakwe mweendeleshi ulyeelete kuba musebenshi wanu noonse.

Luka 9:48

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”

Joni 18:36

Jesu wakakumbula ayi, “Bweene bwangu tabwishi bwa mucishi ca panshi pano. Nebwakalinga bwa panshi, naakwiinga bakonkela ndime batoolwana kwaamba ayi ntaabwi kubeendeleshi ba baJuda. Ono bweene bwangu tabwishi bwa mucishi cino.”

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.