Maako 10:37 - Baibo Busansulushi Bwa Libuku Ili

³⁷ Abalo bakakumbula ayi, “Mwaakwikala pacuuna canu cabulemu, tulisuni kwaamba ayi mukatusuminishe kwikala umwi kululyo lwanu, alakwe umwi kucipiko.”

Maako 10:37 Marejeleo ya Msalaba

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Maako 16:19

Mwaami Jesu ndyaakamana kwaambaabo, wakatolwa kwiculu akuya mukwikala kululyo lwakwe Lesa.

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

1 Pita 1:11

Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.

Maako 8:38

Paceebo ceeco uyo woonse unyumfwa nsoni ceebo ca ndime alimwi amaswi angu paciindi cino, mucishi ciswite bantu bamucita shibi, alakwe MwanaaMuntu ulaakumunyumfwila nsoni pakwisa abaanjelo basalalite, mubulemu bwa baIshi.”

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Kulumbaisha 45:9

Pakati ka banakashi balemekwa, mpopacanika baana banakashi ba bamaami. Kululyo lwa cuuna canu ca bwaami nkokuli nabwiinga wa kubwalo ulifwete shakubotesha sha golodi wiine wiine.

Maako 10:36

Mpeeke Jesu wakabeepusha ayi, “Nciinshi ncemusuni kwaamba ayi mucitile?”