Maako 10:22 - Baibo Busansulushi Bwa Libuku Ili

²² Ndyaakanyumfwa maswi aya, musankwa uyu wakoongumana alimwi wakaswaawo abuumba mukwiinga wakalinga mubile.

Maako 10:22 Marejeleo ya Msalaba

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Mateyo 19:22

Musankwa uyo ndyaakanyumfwa boobo, wakaswaawo kaaungumene ceebo wakalinga mubile abuumbi.

Mateyo 27:3

Ono Judasi uyo wakaaba Jesu ndyaakabona ayi Jesu wapingulwa kucaikwa, wakalibona ayi wakabisha. Lyalo wakabooshesha bamatanjilili ba bapailishi abamaloba ba baJuda maali a silifa ali makumi otatwe ngobakalinga bamupa

Maako 10:21

Lyalo Jesu wakamulangilishisha calusuno akumwaambila ayi, “Kwacaalabo cintu comwi. Koya ukoolishe shintu shoonse nshoocite. Maali ngweshi ukacaneemo, ukaabile bakandu, lyalo ulaakucana bubile kwiculu. Na umanishe kucita boobo, ndyeshi use unkonkele.”

Maako 10:23

Mpomunyaawo Jesu wakacebuka, walanga bashikwiiya bakwe bakalinga kumushingulukite akubaambila ayi, “Nciyumu abuumbi kubantu babile kwinjila muBweene bwakwe Lesa!”

Maako 6:20

ceebo Elodi wakalinga kulemeka Joni camaansa obilo. Wakalinga kwishi kwaamba ayi ngumuntu ululeme alimwi usalalite, aboobo wakamulama. Nakubi kwaamba ayi Elodi wakalinga kupenshekwa mumoyo na wanyumfwa Joni kaamba, wakalinga kusuni kumukutika.

Maako 6:26

Mpeeke mwaami wakacatwa buumba. Nakubi boobo ceebo cakulumbila nkwaakalumbila pameenso abaabo boonse bakalingaawo, cakamwaalila kukaka.

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Luka 18:23

Sombi musankwa uyo ndyaakanyumfwa boobo, wakoongumana mukwiinga wakalinga mubile abuumbi.

2 Bene Kolinto 7:10

Mukwiinga buumba busangalasha Lesa bulalengesha moyo kusandukila kuli nguwe akuleta lupulusho. Ncakwiila tacipiwo nsoni! Sombi buumba buswa kubuumi bwa buntu bulaleta lufu.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.