Maako 10:21 - Baibo Busansulushi Bwa Libuku Ili

²¹ Lyalo Jesu wakamulangilishisha calusuno akumwaambila ayi, “Kwacaalabo cintu comwi. Koya ukoolishe shintu shoonse nshoocite. Maali ngweshi ukacaneemo, ukaabile bakandu, lyalo ulaakucana bubile kwiculu. Na umanishe kucita boobo, ndyeshi use unkonkele.”

Maako 10:21 Marejeleo ya Msalaba

Matalikilo 34:19

Aboobo cikula bwangu uyo taakwe kumana ciindi mukucita ceeco cakaambwa ayi acite, ceebo wakalinga kumusuni abuumbi mwanaakwe Jakobo mwanakashi. Cikulabwangu uyo wakalinga muntu ulemekwa abuumbi pakati ka bamuŋanda ya baishi.

Tushimpi 23:23

Lushinisho, busongo, kulilemeka amaano akunyumfwisha shintu nshamakwebo abuumbi alimwi shilyeelete kuulwa, sombi tasheelete kuulishikwa.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Mateyo 19:21

Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Maako 10:22

Ndyaakanyumfwa maswi aya, musankwa uyu wakoongumana alimwi wakaswaawo abuumba mukwiinga wakalinga mubile.

Maako 8:34

Mpomunyaawo wakeeta bantu baanji, pantu pomwi abashikwiiya bakwe akubalwiita ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, akunyamuna mucilingano wakwe. Lyalo ndyeenga wankonkela.

Luka 10:42

Sombi ncintu comwibo cisunikwi. Maliya wasala cintu ciluleme alimwi teshi akanyaikweewo.”

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 16:9

Jesu wakatolelela kubaambila ayi, “Ntoomulwiita ayi amusebenseshe buboni bwa mucishi cino kwaamba ayi mucane beshicibusanyinaanu, buboni bwaakumana, bakamusekelele mumaanda atamaani.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 19:41

Lyalo Jesu ndyaakasena pafwaafwi akubona Jelusalemu, wakalila.

Luka 9:23

Kuswawaawo wakabaambila boonse ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe lyoonse akunkonkela.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Milimo ya Batumwi 2:45

Nkokwaamba ayi bakalinga kuulisha buboni bwabo, ashintu shoonse nshebakalinga kucite akwaabanya maali kweelana akubula kwa muntu womwi awomwi.

2 Bene Kolinto 12:15

Ndisangalete kusebensesha shoonse nsheencite anebo nemwiine ceebo cakumucafwa. Ono sa mulyeelete kunsuna paniini ceebo ndimusuni bunene?

2 Timoti 3:12

Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.

Bene Ebulu 10:34

Mwakoongumana pantu pomwi abaabo bakalinga bakaili alimwi beendeleshi ndibakamunyaya shintu shanu, mwakalinga kusangaletebo mukwiinga mwakalinga kwishi ayi mulicite shintu shiindaawo kubota alimwi shitamaani.

Jemusi 2:10

Ceebo uyo woonse usotoka mulawo womwi ulapekwa mulandu wakusotoka yoonse.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Ciyubululo 2:4

Sombi ndicite litongooshi pali ndiwe ceebo toonsuni bweenka mbowakalinga kunsuni kataanshi.