Maako 10:19 - Baibo Busansulushi Bwa Libuku Ili

¹⁹ Yalo milawo uliishi yaamba ayi, ‘Utacaayi, utaciti bulale, uteepi, utapi bukamboni bwakubeca, utapambi alimwi lemeka baiso abanyoko.’ ”

Maako 10:19 Marejeleo ya Msalaba

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Maako 10:18

Mpomunyaawo Jesu wakamwiipusha ayi, “Ceebonshi waamba ayi ndi kabotu? Taakuuwo muntu uli kabotu, sombibo Lesa eenka.

Luka 18:20

Yalo milawo uliishi yaamba ayi, ‘Utaciti bulale, utacaayi, uteepi, utapi bukamboni bwakubeca, lemeka baiso abanyoko.’ ”

Bene Loma 13:9

Mukwiinga milawo yaamba ayi, “Utaciti bulale, utacaayi, uteepi, utanyumfwili munyono mubyo ceebo ca shintu nshaacite” aimwi yoonse, ilasansululwa mumulawo womwibo waamba ayi, “Suna mubyo bweenka mboolisuni omwiine.”

Bene Loma 3:20

Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.

Bene Galatiya 4:21

Ono amundwiite mwebo nomusuni kweendeleshekwa aMilawo, sa tamunyumfwishi Milawo iyo nsheyaamba?

Bene Galatiya 5:14

Mukwiinga Milawo yoonse ilasansululwa mumulawo womwi wakwaamba ayi, “Suna mubyo bweenka mboolisuni omwiine.”

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Jemusi 2:11

Mukwiinga Lesa ngowakaamba ayi, “Utaciti bulale” alimwi ngowakaamba ayi, “Utacaayi.” Nkokwaamba ayi webo na wabula kucita bulale ono wacaya muntu, ngumushobo womwi waba shikusotoka Milawo.