Maako 10:17 - Baibo Busansulushi Bwa Libuku Ili

¹⁷ Jesu ndyaakanyamukabo ayi anooya, musankwa umwi wakamucicilila. Wakashika wafukama kunembo lyakwe akwiipusha ayi, “NoBafundishi babotu, ino inga ndacita buyani kwaamba ayi nkabe abuumi butamaani?”

Maako 10:17 Marejeleo ya Msalaba

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Luka 10:25

Kuswawaawo kwakesa mufundishi wa Milawo wakasunka Jesu akumwiipusha ayi, “NoBafundishi, ndyeelete kucitanshi kwaamba ayi nkabe abuumi butamaani?”

Milimo ya Batumwi 16:30

Lyalo wakabakushisha pansengwe akubeepusha ayi, “Nobamaloba, ino inga ndacita buyani kwaamba ayi mpulushikwe?”

Milimo ya Batumwi 2:37

Ono bantu ndibakanyumfwa boobo, bakapenshekwa abuumbi mumyoyo. Lyalo bakeepusha Pita abatumwinyina ayi, “Nobamakwesu, ino tucite buyani?”

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Milimo ya Batumwi 9:6

Ono nyamuka uye mundabala iyi, mweshi uye ulwiitwe nsheweelete kucita.”

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Mateyo 17:14

Ono ndibakashika kwakalinga bantu baanji, umwi muntu wakaya mukufukama kunembo lyakwe Jesu akwaamba ayi,

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Maako 12:14

Ndibakashika, bakeepusha Jesu ayi, “Bafundishi, tulishi kwaamba ayi mwebo mulashomeka alimwi mwebo tamukomwi amiyeeyo ya bantu. Tamusalululi, sombi muleeisha nshila yakwe Lesa calushinisho bweenka mbuli mboibete. Sa Milawo ilatusuminisha kupa musonko kuli Sisa muleli munene wa kuLoma, nabi tau?”

Maako 9:25

Lyalo Jesu ndyaakabona ayi batooya cifulilaako bantu, wakakalalila shikaswa uyo ayi, “Webo oshikaswa, nookasha kunyumfwa akwaamba, ntookulwiita ayi uswe mumusankwa uyu alimwi utakaboolimo lyobilo.”

Maako 1:40

Umwi musankwa mulwashi manata wakesa kuli Jesu, wafukama akusenga ayi, “Na kamusuni, inga mwanshilika.”

Mateyo 28:8

Aboobo bakaswa cakufwambaana kucuumbwe. Bakaloonda, sombi alimwi kabasangalete. Bakacica kuya mukulwiita bashikwiiya bakwe.

1 Joni 2:25

Ncakwiila Klistu ncaakatushomesha, mbuumi butamaani.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

Maako 10:18

Mpomunyaawo Jesu wakamwiipusha ayi, “Ceebonshi waamba ayi ndi kabotu? Taakuuwo muntu uli kabotu, sombibo Lesa eenka.

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Taitasi 3:7

Wakacita boobo ayi tululamikwe muluse lwakwe akwinjila mubuumi butamaani ubo mbotutoolangila.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

1 Pita 1:4

Alimwi tutoolangila ayi tukatambule shipo isho Lesa nshaakabambila bantu bakwe. Utoomubambila kabotu kwiculu, uko nkweshi shikabule kubola, kunyonyooka nabi kubunda.