Maako 1:5 - Baibo Busansulushi Bwa Libuku Ili

⁵ Bantu baanji ba mucishi ca Judeya amundabala inene ya Jelusalemu, bakaya kuli Joni mukunyumfwa. Ndibakamana kulyaambilila shibiibi shabo, wakababombeka muMulonga wa Joodani.

Maako 1:5 Marejeleo ya Msalaba

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Mateyo 4:25

Lyalo bantu baanji baanji bakamukonkela kuswa kuGalili akuMandabala ali Likumi, kuJelusalemu akuJudeya alimwi akwitala lya Joodani.

Maako 1:4

Paceebo ceeco, Joni wakesa kulubasu lwa luyanga kaabombeka akushimikila ayi, “Amusanduke kuswa kushibiibi shanu, mubombekwe nkwaamba ayi Lesa amulekelele shibiibi shanu.”

Maako 1:6

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

Joni 1:28

Ishi shoonse shakacitikila mundabala ya Betani kulubasu lwakwicwe lya Mulonga wa Joodani, uko Joni nkwaakalinga kubombekela.

Joni 3:23

Joni alakwe wakalinga kubombeka kuEnoni, pafwaafwi aSalimu, mukwiinga nkokwakalinga maanshi aanji. Mpeeke bantu bakalinga kuya kuli nguwe mukubombekwa.

Joni 5:35

Joni Mubombeki wakalinga mbuli lilampi lyakalinga kumunika, alimwi mwakakondwa kwaciindi ciniini mumumuni wakwe.

Milimo ya Batumwi 19:18

Kuswawaawo bashomi baanji bakalinga kwisa akulyaambilila pameenso a bantu shibiibi shoonse nshebakacita.

Milimo ya Batumwi 2:38

Pita wakabakumbula ayi, “Amusanduke kuswa kushibiibi shanu, mubombekwe muliina lyakwe Jesu kwaamba ayi Lesa amulekelele akumupa Mushimu Usalashi.

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

Joshuwa 7:19

Ono Joshuwa wakaambila Akani ayi, “Omwanaangu, amba calushinisho pameenso a Mwaami Lesa, Lesa wa bene Isilaeli, ulyaambilile omwiine ico ncewacita. Utacishisi kuli ndime.”