Maako 1:35 - Baibo Busansulushi Bwa Libuku Ili

³⁵ Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Maako 1:35 Marejeleo ya Msalaba

Kulumbaisha 109:4

Balo balandwana nabi nebo ndibasuni, nabi bancite boobo, nebo ndabapaililako.

Kulumbaisha 5:3

Macuunsa mulanyumfwa liswi lyangu, pakuswa lisuba ndapaila kuli ndimwe akulindilila ayi munkumbule.

Mateyo 14:13

Jesu ndyaakanyumfwa makani aya, wakenjila mubwaato akuswaako uko. Wakaya kumusena umwi eenkabo kwatakalinga kwikala bantu. Ono bantu baanji ndibakanyumfwa ayi Jesu waya, bakeenda kwitala kuswa mumandabalaabo bamukonkela.

Mateyo 14:23

Ndyaakamana kubalasha bantu balya, lyalo ndipakashiyashiya, wakatanta pakalundu mukupaila, wakalingakobo eenka.

Maako 1:36

Simoni abaabo babye mbwaakalingaabo bakaya cilangoola Jesu.

Luka 5:16

Sombi lakwe wakabashiya akuya kumusena kwatakalinga kwikala bantu mukupaila.

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Joni 6:15

Jesu wakeshiba ayi bantu batooyanda kumubika pabwaami cakumukakatisha. Aboobo wakanyamuka akuya alimwi kutulundu eenkabo.

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Bene Filipi 2:5

Amube amoyo mbuli wooyo wakalinga kucite Klistu Jesu.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.