Maako 1:27 - Baibo Busansulushi Bwa Libuku Ili

²⁷ Bantu boonse bakakankamana akutalika kuliipusha ayi, “Anu nciinshi ici? Anu nkwiisha kupya kuli buyani uku? Uyu muntu ulicite nkusu shakwaambilabo liswi bashikaswa abalo bamunyumfwila!”

Maako 1:27 Marejeleo ya Msalaba

Mateyo 15:31

Bantu boonse bakakankamana ndibakabona bacibuulu kabaamba, balema kababa kabotu, balema myeendo kabeenda alimwi aboofu kababona. Lyalo bakalumbaisha Lesa wa bene Isilaeli.

Mateyo 8:9

Mukwiinga anebo ndimuntu ukonkela milasho ya banene ba pancito alimwi ndicite bashilumamba mboondwiita nsheensuni. Ndacita na ndaambila shilumamba ayi, ‘Koya,’ alakwe ulaya. Na ndaambila shilumamba umwi ayi, ‘Kosa,’ alakwe ulesa. Na ndaambila musebenshi wangu ayi, ‘Cita ici,’ alakwe ulacicita.”

Mateyo 9:33

Jesu ndyaakamukushamobo shikaswa, musankwa cibuulu uyo wakatalika kwaamba. Mpeeke bantu boonse bakakankamana akutalika kwaamba ayi, “Tacina kucitikawo kale ca mushobo wooyu muno muIsilaeli.”

Maako 1:26

Shikaswa wakamunyukumuna abuumbi, wakatama cankusu akuswaamo.

Maako 1:28

Mpomunyaawo impuwo yakwiisha kwakwe yakanyumfwika mucishi coonse ca Galili.

Maako 10:24

Bashikwiiya bakwe bakakankamana ndibakanyumfwa maswi aya. Sombi lakwe Jesu wakabaambila alimwi ayi, “Nobamakwesu, ncintu ciyumu abuumbi kwinjila muBweene bwakwe Lesa!

Maako 10:32

Jesu abashikwiiya bakwe ndibakalinga kuya kuJelusalemu, lakwe wakatanjila panembo lyabo. Bashikwiiya bakwe bakalisukama, abalo bantu bakalinga kwisa cibakonkela bakaloonda. Lyalo Jesu wakeeta bashikwiiya bakwe bali likumi abobilo palubasu alimwi. Mpeeke wakatalika kubalwiita sheshi shikacitike kuli nguwe.

Maako 16:5

Ndibakenjila mucuumbwe, bakabona musankwa kaashite kululyo lwabo, kaafwete cisani cituba. Mpeeke bakaloonda.

Maako 16:6

Musankwa uyo wakabaambila ayi, “Mutaloondi. Ndishi kwaamba ayi mutooyandoola Jesu wa kuNasaleti, uyo ngobakapopa pamucilingano. Taamo muno, wabushikwa kale kuswa kubafu. Amubone, pamusena mpowaawa mpobakalinga bamooneka.

Maako 7:37

Bantu boonse bakanyumfwa cikani ici, bakakankamana abuumbi akwaamba ayi, “Shoonse shintu lakwe ulashicita kabotu. Boonse bakalinga kushinkite matwi ulabashinkula. Nabi bacibuulu boonse balatalika kwaamba!”

Luka 4:36

Bantu boonse bakakankamana akwiipushanya ayi, “Anu ngomaswinshi aya? Ncakwiila lakwe ulaambila bashikaswa cankusu abalo balamunyumfwila baswaamo!”

Luka 9:1

Jesu wakabunganya batumwi bakwe akubapa nkusu shakukusha bashikaswa akushilika malwashi.

Milimo ya Batumwi 17:19

Kuswawaawo bakatola Paulo kunkuta yakalinga kwiitwa ayi Aleopagasi akwaamba ayi, “Tulisuni kwaamba ayi utusansulwite kwiisha kupya uko nkootokwaambaawo.