Maako 1:21 - Baibo Busansulushi Bwa Libuku Ili

²¹ Jesu abashikwiiya bakwe bakashika mundabala ya Kapenaumu. Ndibwakashika bushiku bwakookesha bwa Cibelu, Jesu wakaya mucoonde ca baJuda akutalika kwiisha.

Maako 1:21 Marejeleo ya Msalaba

Mateyo 4:13

Wakashiya ndabala ya Nasaleti akuya mukwikala mundabala ya Kapenaumu, yakalinga muloombe lwa lweenge mushishi sha Sebuluni aNafutali.

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Maako 1:20

Jesu ndyaakababonabo, wakabeeta. Mukufwambaana abalo bakashiya ishiwabo Sebedi abasebenshi mubwaato akumukonkela.

Maako 1:29

Ndibakaswabo mucoonde ca baJuda, Jesu pantu pomwi aJemusi aJoni, bakalulamabo kumishaabo Simoni aAndulu.

Maako 1:33

Bantu baanji ba mundabala mulya bakesa mukubungana paŋanda.

Maako 1:39

Aboobo wakeenda mucishi coonse ca Galili, kaaya cishimikila mushoonde sha baJuda akukusha bashikaswa.

Maako 10:1

Jesu wakaswaako kuKapenaumu akuya kucishi ca Judeya kwitala lya Mulonga wa Joodani. Bantu baanji baanji bakabungana alimwi kuli nguwe. Alakwe wakatalika kubeeisha kweelana ambwaakalinga kushibite.

Maako 2:1

Ndipakeenda nshiku shiniini, Jesu wakaboolela muKapenaumu alimwi bantu bakanyumfwa ayi nkwaali kuŋanda.

Maako 3:1

Lyalo Jesu wakaboolela alimwi mucoonde ca baJuda, umo mwakalinga musankwa wakalinga kuyuminite lyaansa.

Maako 6:2

Ndibwakashika bushiku bwakookesha bwa Cibelu, wakatalika kwiisha mucoonde ca baJuda. Bantu baanji bakanyumfwa kwiisha kwakwe bakakankamana akutalika kwiipushanya ayi, “Ino uyu muntu wakakusha kuli ishi shoonse? Mbusongonshi ubu mbwaacite? Ulacikonsha buyani kucita shaankamiko sha mushobo uyu?

Luka 10:15

Awebo Kapenaumu, sa utooyeeya ayi ulaakusumpwitwa kwiculu? Sobwe, ulaakuwaalwa panshi pamusena wa bafu!”

Luka 13:10

Pabushiku bumwi bwakookesha bwa Cibelu, Jesu wakalinga kwiisha mucoonde ca baJuda.

Luka 4:16

Jesu wakashika kuNasaleti uko nkwaakakulila. Mpeeke kweelana ambwaakalinga kushibite, pabushiku bwakookesha bwa Cibelu wakaya kucoonde ca baJuda. Wakanyamuka kwaamba ayi abelenge Malembo akwe Lesa kubantu.

Luka 4:23

Mpomunyaawo wakabaambila ayi, “Mulaakuŋambila kashimpi aka ayi, ‘Omushiliki lishilike omwiine,’ alimwi mulaakuŋambilaawo ayi, ‘Nshiwakacita kuKapenaumu nshitwakanyumfwa, shicite akwalo kuno kucishi cine mishaanu.’ ”

Milimo ya Batumwi 17:2

Kweelana akwishibila kwakwe, Paulo wakenjila mucoonde akulwiita bantu Malembo akwe Lesa kwanshiku shakookesha sha Cibelu shotatwe.

Milimo ya Batumwi 18:4

Lyoonse pabushiku bwakookesha bwa Cibelu, Paulo wakalinga kubandika cankusu abantu mushoonde sha baJuda kwaamba ayi mpashi baJuda abaGiliki inga bashoma Makani Abotu.