Lute 1:17 - Baibo Busansulushi Bwa Libuku Ili

¹⁷ Uko nkweshi mukafwite, anebo nkweshi nkafwite alimwi kweenka uko nkweshi nkabikwe. Lesa aakampe mulandu na cimwi, kuleka lufu, cikampansaanye amwebo!”

Lute 1:17 Marejeleo ya Msalaba

2 Samwelo 15:21

Sombi Itayi wakakumbula mwaami Defedi ayi, “Bweenka mbocibete lushinisho ayi Mwaami Lesa ngumuumi, alimwi ayi mwebo nkambo nobaami bangu muli boomi, ncakwiila anebo nemusebenshi wanu ntooya kuli koonse mwebo nkambo nobaami bangu nkweshi muye nacibi kwaamba ayi cilaamba buumi nabi lufu.”

2 Samwelo 19:13

Amasa lakwe mumulwiite ayi, ‘Webo tuli bulowa bomwi. Ono Mwaami Lesa ampe mulandu nabi unene cili buyani na kuswa sunu webo teshi ube mutanjilili wa likoto lya bashilumamba bangu mumusena wakwe Joabu.’ ”

2 Samwelo 3:35

Bantu bakaya basenga Defedi cankusu ayi alyeewo cimwi cintu kalicili malumwi, sombi wakashomesha cakulumbila ayi, “Mwaami Lesa ampe mulandu, nabibo unene, na ndyeewo shinkwa nabi cakulya cimwi cili coonse lisuba kalitana kwipila!”

2 Samwelo 3:9

Ono Mwaami Lesa aampe mulandu nebo neAbina, nabibo unene, na mbule kucitila Defedi ico Mwaami Lesa ncaakamushomesha cakulumbila.

1 Baami 13:31

Ndibakamana kumubika, mulaluki uyo wakalwiita bana bakwe ayi, “Anebo ndaakufwa, mukambike mucuumbwe ceenka ici. Mukabike mubili wangu lubamba awaakwe.

1 Baami 19:2

Aboobo Jesebelo wakatuma nkombe kuli Elija ayi “Na ciilo paciindi ceenka cino nkabule kucita kuli ndiwe mbowakacita balaluki abo, balesa abakancaaye.”

1 Baami 2:23

Mpeeke Solomoni wakashomesha cakulumbila muliina lya Mwaami Lesa ayi, “Lesa aancaaye na mbule kulengesha Adonija kulipila buumi bwakwe pakusenga kwakwe uku!

1 Baami 20:10

Lyalo Benadadi wakatuma aimwi nkombe kuli Aabu yakwaamba ayi, “Ntooleta bashilumamba baanji kwaamba ayi bese banyonyoole ndabala yanu inene akwiipelapela cakubabo lusuko. Balesa bangu bancaaye na mbule kucita cintu ici!”

2 Baami 6:31

Mpeeke wakoolobesha ayi, “Mwaami Lesa ampe mulandu nabi unene buyani na Elisha mwanaakwe Shafati mbule kumusutula mutwi lisuba kalitana kuwa!”

Kulumbaisha 45:10

Nobanabwiinga ba kubwalo, amukutike alimwi munyumfwishishe. Bulya ono amulube bene mishaanu pantu pomwi abeshikamukowa banu.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Lute 1:16

Sombi Lute wakakumbula ayi, “Mutankakatishi kumushiya. Amunsuminishebo njaanu. Mukwiinga kuli koonse nkweshi muye, anebo ntooya, uko nkweshi mukanookala, anebo nkweshi kanookala. Bene mishaanu, anebo balaakuba bene misheesu, alimwi Lesa wanu ulaakuba Lesa wangu.

Lute 4:15

Mulokashi wako ulikusuni alimwi wakacita shintu shiinda kuba abaana basankwa bali bosanwe abobilo. Ono ngooyu wakushalila amushikulu musankwa, uyu weshi akalete buumi bupya kuli ndiwe alimwi weshi akakulaame waakucembela.”

1 Samwelo 14:44

Saulo wakaamba ayi, “Lesa aacite cili coonse pali ndime nabi cibiibi buyani, na webo Jonasani ubule kufwa.”

1 Samwelo 20:13

Ono na batooyeeya kukucita cibiibi, Mwaami Lesa aakampe mulandu nabibo kuncaya na nkabule kukushibisha akukulobosha mukabotu. Lesa abe awebo bweenka mbwaakalinga abata.

1 Samwelo 25:22

Paceebo ceeci Lesa aakampe mulandu na nkashiye musankwa nabibo womwi kutamucaya ciilo macuunsacuunsa pabamuŋanda yakwe.”

1 Samwelo 3:17

Eli wakeepusha ayi, “Ino Mwaami Lesa wakulwiitanshi? Utashisi. Lesa utookupa mulandu unene na ushise cimwi cili coonse kuli ndime.”