Luka 9:54 - Baibo Busansulushi Bwa Libuku Ili

⁵⁴ Mpomunyaawo Jemusi aJoni, bashikwiiya bakwe Jesu, ndibakabona bobulya bakaamba ayi, “Nkambo, sa mulisuni kwaamba ayi twiite mulilo kuswa kwiculu ayi wise unyonyoole bantu aba?”

Luka 9:54 Marejeleo ya Msalaba

2 Samwelo 16:9

Mpomunyaawo Abishayi mwanaakwe Seluiya wakaambila mwaami Defedi ayi, “Nkambo mutoolekelanshi kabwa uyu kunoomucobola nobaami bangu? Amunsuminishe nje musutule mutwi peenka palya.”

2 Samwelo 21:2

Mpomunyaawo Defedi wakeeta bene Gibyoni akubandikaabo. Bene Gibyoni abo tebakalinga lubasu kubene Isilaeli, sombi mbobakapuluka pabene Amoli. Ono bene Isilaeli bakashomesha cakulumbila ayi teshi bakabacaaye. Nacibi boobo Saulo lakwe mukusunishisha bene Isilaeli abene Juda, wakalinga kusuni kumana kubanyonyoola.

2 Baami 1:9

Lyalo mwaami wakatuma mutanjilili wa bashilumamba pantu pomwi abashilumamba bakalinga makumi osanwe kuya mukucata Elija. Mutanjilili uyo wakamucana kashiite pakalundu akumwaambila ayi, “Omuntu wakwe Lesa, mwaami waamba ayi useluke.”

2 Baami 10:16

Jewu wakaamba ayi, “Kwesa anebo ubone mbuli mboontoosebensela Mwaami Lesa cankusu.” Lyalo bakaya boonse kuSamaliya.

2 Baami 10:31

Nakubi boobo Jewu taakwe kukonkela camoyo woonse milawo ya Mwaami Lesa, Lesa wa bene Isilaeli. Lakwe wakakonkela bwakacita Jeloboamu uyo wakalengesha bene Isilaeli kubisha.

Shikushimikila 3:3

Kuli ciindi cakucaya aciindi cakushilika. Kuli ciindi cakumwaya aciindi cakuyaka.

Maako 3:17

Jemusi aJoni mwanike wakwe, bana bakwe Sebedi (Jesu wakabapa liina lya Bonajesi, lipandulula ayi, “Baana baloondesha anga nkalumba”),

Luka 9:55

Sombi Jesu wakacebuka akubakalalila.

Ciyubululo 13:13

Munyama wabili uyu wakacita shaankamiko shinene abuumbi. Wakalengesha ayi mulilo uswe kwiculu akulokela pacishi ca panshi bantu boonse kabeebela.

Ciyubululo 13:3

Kumutwi umwi wa munyama kwakalinga kuboneka anga kuli cipwaloonda, sombi cipwaloonda ico cakamana. Bantu boonse mucishi ca panshi bakakankamana abuumbi pamunyama uyu, mpeeke bakamukonkela.