Luka 8:53 - Baibo Busansulushi Bwa Libuku Ili

⁵³ Sombi boonse bakamuweluluka mukwiinga bakalinga kwishi ayi wafwa kale.

Luka 8:53 Marejeleo ya Msalaba

Jobo 12:4

Anu ono ndababo shikusekwa akubeensuma boonse nakubi kwaamba ayi ndi muntu ululeme utacite kampenda. Nebo ndakalinga kusenga kuli Lesa alakwe wakalinga kunkumbula.

Jobo 17:2

Ncakwiila beshikucelebula banshinguluka, meenso angu atoobonabo shalunkutwe nshebatoocita kuli ndime.

Kulumbaisha 22:7

Boonse bambona balancelebula, balancobola akunoopukumunabo mitwi yabo.

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Mateyo 9:24

Peenka wakabaambila ayi, “Amuswe ceebo mulindu uyu taafwite, uliletebo.” Sombi boonse bakamuweluluka.

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

Luka 8:52

Mpeeke mwakalingabo mibila ceebo ca mulindu uyo wakalinga kufwite. Nakubi boobo Jesu wakabaambila ayi, “Amucileeke kulila ceebo mulindu uyu taafwite, uliletebo.”

Luka 8:54

Lyalo Jesu wakacata mulindu uyo palyaansa akwaamba ayi, “Webo ndaba, buka!”

Joni 11:39

Lyalo Jesu wakabalwiita ayi, “Amukusheko libwe!” Malita nankashi yakwe mulobe wakaamba ayi, “Nkambo, kutooba keema kabiibi mukwiinga shaba nshiku shone kuswa bushiku nditwakamubika.”