Luka 8:44 - Baibo Busansulushi Bwa Libuku Ili

⁴⁴ Mwanakashi uyo wakesa kwisule lyakwe Jesu akucatabo kweela cisani cakwe, mpeeke mukunko wakamana peenka apo.

Luka 8:44 Marejeleo ya Msalaba

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 20:34

Mpomunyaawo Jesu wakabafwita nkumbu akucata pameenso abo. Paciindi ceenka ico bakatalika kubona, akumukonkela.

Mateyo 8:3

Mpomunyaawo Jesu wakafungulula lyaansa lyakwe akucata musankwa uyo kaamba ayi, “Ee ndisuni, ba kabotu!” Lyalo manata akamana.

Mateyo 9:20

Ono umwi mwanakashi wakalinga kuciswa bulwashi bwa mukunko myaaka likumi ayobilo, wakesa kwisule lyakwe Jesu akucatabo kweela cisani cakwe.

Maako 6:56

Ncakwiila, kuli koonse nkweenga weendila na washika mumishi, mumandabala anene nabi mumitala, bantu bakalinga kutola balwashi kumisena yakalinga kucanika bantu baanji. Lyalo bakamusenga ayi asuminishe balwashi kukumyabo cakufwala cakwe. Lyalo boonse bakakumyaako, bakaba kabotu.

Luka 13:13

Mpeeke Jesu wakabika maansaakwe pali nguwe, lyalo wakoololoka akulumbaisha Lesa.

Luka 7:38

Wakashika weemikana kwisule lyakwe Jesu pafwaafwi ashimpanta kaalilabo buumpute. Wakatontosha shimpanta shakwe Jesu aminsonshi yakwe akutalika kwiipukuta amisusu yakwe. Mpeeke wakafyonta shimpanta akushitila mafuta ayo.

Luka 8:43

Pakalinga mwanakashi umwi wakalinga kuciswa mukunko myaaka likumi ayobilo. Wakamanisha buboni bwakwe boonse mubashiliki, sombi taaku muntu nabi womwi wakakonsha kumushilika.

Luka 8:45

Lyalo Jesu wakeepusha ayi, “Ngani wancata?” Boonse bantu ndibakakaka, Pita wakaamba ayi, “NoBafundishi, kufula bantu bamushingulukite alimwi batoomushaankanya, inga mweepusha buyani ubo?”

Joni 5:13

Sombi musankwa wakaba kabotu uyo, taakwe kumwishiba mukwiinga Jesu wakashiminganabo mulikoto lya bantu lyakalingaawo.

Milimo ya Batumwi 19:12

Bantu bakalinga kucita na babwesa tutambala nabibo shisani shakasebenseshawo Paulo akutola kubalwashi, malwashi abo akalinga kumana, abalo bashikaswa bakalinga kuswa mubantu.

Milimo ya Batumwi 5:15

Ceebo ca shitondesho sha nkusu sha kwiculu shakacita batumwi, bantu baanji bakatola balwashi baanji akubooneka pamalo ampasa mumikwakwa mucanika bantu baanji kwaamba ayi Pita pakwiinda, cimfule cakwe mpashi inga ceenda pabalwashi bamwi.

Dutolonomi 22:12

“Kushakufwala shako, ukanootungilako masambaala kumakonko one oonse.