Luka 7:47 - Baibo Busansulushi Bwa Libuku Ili

⁴⁷ Aboobo ntookulwiita ayi shibiibi shakwe nashifuuli shalekelelwa mukwiinga watondesha lusuno lunene. Nkokwaamba ayi uyo woonse walekelelwa paniini ulatondesha lusuno luniini.”

Luka 7:47 Marejeleo ya Msalaba

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

Mika 7:19

Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Luka 7:46

Bona mbondeshita tookwe kunanikawo mafuta mumutwi, sombi lakwe wananika mafuta anunkila kabotu kushimpanta.

Luka 7:48

Mpomunyaawo Jesu wakaambila mwanakashi uyo ayi, “Shibiibi shako shalekelelwa.”

Milimo ya Batumwi 5:31

Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

2 Bene Kolinto 5:14

Lusuno lwakwe Klistu ndolutweendelesha ceebo tulashoma kwaamba ayi muntu womwi wakafwita bantu boonse, paceebo ceeco boonse bakafwa kwiinda muli nguwe.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Bene Filipi 1:9

Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,

1 Timoti 1:14

Luse luunji lwa Mwaami wesu lwakaboneka kuli ndime pantu pomwi alushomo alimwi alusuno isho shicanika kwiinda muli Klistu Jesu.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

1 Joni 3:18

Nobana bangu, lusuno lwesu lutabibo lwa pamulomo, sombi tulyeelete kubonesha lusuno lwancinencine mumicito yesu.

1 Joni 4:19

Tulisunene mukwiinga Lesa ngowakataanguna kutusuna.

1 Joni 5:3

Kusuna Lesa, nkukonkela milawo yakwe. Milawo yakwe Lesa teshi iyumu