Luka 7:14 - Baibo Busansulushi Bwa Libuku Ili

¹⁴ Jesu wakaya kunembo akucata kumupeso, lyalo bakalinga kuyumwite lufu bakeemikana. Mpomunyaawo wakaamba ayi, “Webo ndaba, ntookwaambila ayi buka!”

Luka 7:14 Marejeleo ya Msalaba

1 Baami 17:21

Lyalo Elija wakatandabala mankanda otatwe pamwaana akunoopaila ayi, “NoBaami baLesa, baLesa bangu, amubushe mwaana uyu!”

1 Baami 17:22

Mpomunyaawo Mwaami Lesa wakakumbula mupailo wakwe Elija. Mwaana wakatalika kuyoya, mpeeke wakaba kabotu.

Jobo 14:12

mbweeke ubo muntu alakwe mbwaaona cakutabuka. Ee, teshi akashinshimukeewo kushikila liculu likamaane. Ndushinisho uloonesha cakutaswaawo mutulo twakwe.

Jobo 14:14

Na muntu wafwa, sa inga wayoya alimwi? Munshiku shoonse sha mulimo wangu uyumu ndanoolindilila kushikila nkaswe mumapensho.

Kulumbaisha 33:9

Ceebo wakaambabo liswi, cishi ca panshi cakabaawo, ncakwiila mukwaambabo kwakwe shintu shoonse shakaboneka.

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Maako 5:41

Wakacata mulindu uyo palyaansa akwaamba ayi, “Talita kumi,” nkokwaamba ayi, “Kashimbi, ntokwaambila ayi, buka!”

Luka 7:13

Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Luka 7:15

Musankwa uyo wakalinga kufwite wakabuka wekala akutalika kwaamba. Lyalo Jesu wakamuboosha kuli banyina.

Luka 7:17

Kuswawaawo mpuwo yakwe Jesu yakamwaika mucishi coonse ca Judeya alimwi ashishi shoonse shakalinga kushingulukite.

Joni 11:25

Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.

Joni 5:21

Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.

Joni 5:25

Ntoomulwiita calushinisho ayi ciindi cilaakushikila alimwi cashikila kale, bafu ndyeshi bakanyumfwe liswi lya Mwanaakwe Lesa alimwi abo beshi bakalinyuumfwe balaakuba abuumi butamaani.

Bene Loma 4:17

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.

Bene Efeso 5:12

Cilalensha nsoni akwaamba shintu shicita bantu batanyumfwili Lesa mubushishi.