Luka 7:13 - Baibo Busansulushi Bwa Libuku Ili

¹³ Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Luka 7:13 Marejeleo ya Msalaba

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Maako 8:2

“Ndanyumfwila nkumbu bantu aba mukwiinga bekala nshiku shotatwe anebo alimwi bulya tabacite acakulya.

Luka 10:1

Kuswawaawo Mwaami Jesu wakasala abamwi basankwa bali makumi osanwe aobilo alimwi abobilo akubatuma kunembo lyakwe kuya mumandabala amisena yoonse mwaakalinga kulibambite kuya mwiine.

Luka 11:1

Bumwi bushiku Jesu wakalinga kupaila kumusena umwi. Ndyaakamanisha, umwi shikwiiya wakwe wakamwaambila ayi, “Nkambo, amutwiishe bwakupaila bweenka mbuli Joni mbwaakeeisha bashikwiiya bakwe.”

Luka 11:39

Mpomunyaawo Mwaami Jesu wakamwaambila ayi, “Ono mwebo nobaFalisi mulasansha pansengwe lya nkomeshi ambale, sombi mumyoyo yanu muliswitebo bulyabi abubi.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Luka 13:15

Lyalo Mwaami Jesu wakamukumbula ayi, “Mwebo nobantu nomwaamba nshemutaciti! Ngani mulikoto weenga taacalwiti musune nabi mbongolo yakwe mucimpati akwiitola mukunwa maanshi pabushiku bwakookesha bwa Cibelu?

Luka 17:5

Lyalo batumwi bakaambila Mwaami Jesu ayi, “Amukomenye lushomo lwesu.”

Luka 17:6

Mwaami Jesu wakabakumbula ayi, “Nemwalinga kucite lushomo luli mbuli luseke lwa masitadi, naakwiinga mulakonsha kwaambila cisamu ayi, ‘Shuka apo ulishimpike mulweenge!’ Acalo inga camunyumfwila.

Luka 18:6

Mpomunyaawo Mwaami Jesu wakaamba ayi, “Te mwanyuumfwa mbwaakaamba moomboloshi utaluleme uyo?

Luka 19:8

Sombi Sakeyo wakanyamuka akwaambila Mwaami Jesu ayi, “Amubone, Nkambo, ndaakupa musa wa buboni bwangu kubakandu. Peculu lya waawo na kuli ngondakanyengelela buboni, ndaakumubooshesha akwiilikaawo mankanda one.”

Luka 22:61

Mpomunyaawo Mwaami Jesu wakapiluluka akulangilisha Pita. Lyalo alakwe wakeebaluka maswi a Mwaami mbuli mbwaakamwaambila ayi, “Kombwe kaatana kulila sunu, webo Pita utoonkaka mankanda otatwe.”

Luka 24:3

Ndibakenjila mucuumbwe bakacana mutuntu wakwe Jesu taumo.

Luka 24:34

kabaamba ayi, “Ncakwiila Mwaami wabuka kuswa kubafu! Walibonekesha kuli Simoni!”

Luka 7:12

Jesu ndyaakashikabo kufwaafwi amwinjililo wa ndabala, wakakumanya beshicililo kabayumwite lufu. Uyo musankwa mufu wakalinga ngomwaana eenkabo kuli banyina bamukalubinje. Bantu baanji ba mundabala iyo bakalinga amukalubinje uyo.

Luka 7:14

Jesu wakaya kunembo akucata kumupeso, lyalo bakalinga kuyumwite lufu bakeemikana. Mpomunyaawo wakaamba ayi, “Webo ndaba, ntookwaambila ayi buka!”

Luka 7:19

akubatuma kuMwaami Jesu mukwiipusha ayi, “Sa ndimwe baabo mbwaakaamba Joni ayi balaakwisa nabi tunoocilangila umwi?”

Luka 8:52

Mpeeke mwakalingabo mibila ceebo ca mulindu uyo wakalinga kufwite. Nakubi boobo Jesu wakabaambila ayi, “Amucileeke kulila ceebo mulindu uyu taafwite, uliletebo.”

Joni 11:2

(Maliya uyu ngowakapuumwita mafuta anunkila kabotu kushimpanta sha Mwaami Jesu akushipukuta amisusu yakwe. Lasalo uyo wakaciswa, wakalinga nandumi yakwe.)

Joni 11:3

Aboobo banankashi shakwe bobilo bakatuma nkombe kuli Jesu ayi, “Nkambo, ulya mubyaanu ngomusunishi abuumbi ngumulwashi.”

Joni 20:13

Mpomunyaawo bakamwiipusha ayi, “Owalutundu, ino utoolilanshi?” Lakwe wakakumbula ayi, “Bantu bakusha Baami bangu mucuumbwe alimwi nshishi nkobabatola.”

Joni 20:15

Jesu wakeepusha Maliya ayi, “Owalutundu, ino utoolilanshi? Ngani ngotoolangoola?” Maliya wakayeeya ayi ngushikulama muunda. Aboobo wakamwaambila ayi, “Mwebo ta, na ndimwe mwabakushaamo, amundwiite nkomwabatola kwaamba ayi nkababwese.”

Joni 4:1

BaFalisi bakanyumfwa ayi Jesu utoosandula akubombeka bashikwiiya baanji kwiinda Joni.

Joni 6:23

Lyalo maato amwi akaswa kuTibelyasi akashika pafwaafwi ampobakalita shinkwa bantu, Mwaami Jesu ndyaakamana kulumba Lesa.

1 Bene Kolinto 7:30

Abo batoolila balyeelete kwikala anga tabatoolila. Abo basangalete balyeelete kwikala anga tabasangalete. Abo baula cimwi cintu, bekale anga teshi cabo beene.

1 Bene Tesalonika 4:13

Ono nobamakwesu, tulisuni ayi mwishibe lushinisho pabaabo bakafwa, kwaamba ayi mutanookuungumana mbuli bantu batacite ncebatoolangila.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Bene Ebulu 4:15

Tatucite Mupailishi Munene utakoonshi kutunyumfwila nkumbu mukulefuka kwesu. Mupailishi wesu wakasunkwa munshila shoonse bweenka mbotusunkwa. Sombi lakwe taakwe kubishaawo.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.