Luka 23:35 - Baibo Busansulushi Bwa Libuku Ili

³⁵ Bantu bakalinga kwiimfwi mweela kabeebela, beendeleshi babo ndibakalinga kuweluluka Jesu kabaamba ayi, “Wakapulusha bamwi ono aalipulushe mwiine, na ngoUsalitwe uyo Lesa ngwaakasala!”

Luka 23:35 Marejeleo ya Msalaba

Kulumbaisha 22:17

Ndakonsha kubelenga mafuwa angu oonse. Balwani bangu ndibambona balanjebela akunseka.

Kulumbaisha 35:15

Sombi nebo ndindakalisuntula, balo bakatalika kusekelela. Bakabungana akutalika kungweluluka. Bantu mbondatakalinga kwishi bakandwana, bakamfuya cakutaboolaawo pesule nabi paniini.

Kulumbaisha 4:2

Anu citooba ciindi cilaamfu buyani mwebo nobantu kamuntukana? Anu citooba ciindi cilaamfu buyani kamusuni shintu shitaaku mboshibete akukakatila balesa bakubeca?

Kulumbaisha 69:26

ceebo balapensha baabo mbomwakapa mulandu, akwiilika mapensho pabaabo mbomwakacisa.

Kulumbaisha 71:11

Balaamba ayi, “Lesa wamufutatila, amuye mumutandaanye akumucata ceebo taaku weshi amufuneeko.”

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Malilo 3:14

Ndakaba shikusekwa kubantu boonse. Balacelebula munyimbo lilaya mukupila.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Mateyo 12:18

“Uyu ngomusebenshi wangu uyo ngondakasala, uyo ngoonsuni alimwi muli nguwe ndakondwa. Ndaakumupa Mushimu wangu, alimwi ulaakwaambilisha kubaswamashi bakunsengwe ayi Lesa uliluleme.

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

Luka 23:13

Mpeeke Pilato wakabunganya bamatanjilili ba bapailishi, beendeleshi abantubo bamwi boonse.

Luka 23:39

Mwiipi umwi wakalinga kupopetwe kulubasu lumwi lwakwe Jesu wakacobola Jesu ayi, “Sa teshi ndiwe Usalitwe wakwe Lesa? Lipulushe, aswebo utupulushe!”

1 Pita 2:4

Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.