Luka 19:46 - Baibo Busansulushi Bwa Libuku Ili

⁴⁶ Wakabaambila ayi, “Cililembetwe ayi, ‘Ŋanda yangu ilaakwiitwa ayi ŋanda yakupaililaamo,’ sombi mwebo mwayaalula yaba mumwakuyubila beepi!”

Luka 19:46 Marejeleo ya Msalaba

Kulumbaisha 93:5

NoBaami baLesa milawo yanu njamuyayaya, Ŋanda yanu ilisalalite calushinisho kwalyoonse alyoonse.

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Jelemiya 7:11

Sa Ŋanda yangu ino mwayaalula yaba momwakuyubila beepi? Sombi nebo ndishibwene nshemutoocita! Nebo neMwaami Lesa ndaamba.

Esekelo 43:12

Musena woonsebo ushingulukite peculu lya kalundu ka Ŋanda yangu ulisalalite kwiindaawo. Uyu ngomulawo wa Ŋanda yangu nebo neLesa.”

Osiya 12:7

Mwaami Lesa waamba ayi, “Bene Isilaeli tabashomeki bweenka mbuli bene Kenani. Balisunishi kunyengelela bamwi mukusebensesha shakupimisha shabubeshi.

Mateyo 21:13

Wakabalwiita ayi, “Cililembetwe ayi, ‘Ŋanda yangu ilaakwiitwa ayi ŋanda yakupaililaamo.’ Sombi mwebo mwayaalula yaba momwakuyubila beepi!”

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Maako 11:17

Lyalo wakatalika kwiisha bantu ayi, “Sa muMalembo akwe Lesa tamulembetwe ayi, ‘Ŋanda yangu ilaakwiitwa ayi ŋanda yakupaililaamo mishobo yoonse?’ Sombi mwayaalula yaba momwakuyubila beepi.”