Luka 19:37 - Baibo Busansulushi Bwa Libuku Ili

³⁷ Ndyaakashika pafwaafwi akuJelusalemu kunkunamo ya Kalundu ka Olifi, likoto lyoonse lya bantu bakalinga kukonkela kwiisha kwakwe Jesu, lyakasangalala akutalika kulumbaisha Lesa amaswi a peculu ceebo ca milimo ya nkusu sha kwiculu njebakabona.

Luka 19:37 Marejeleo ya Msalaba

1 Makani 15:28

Lyalo bene Isilaeli boonse bakaleta Libokoshi lya Cipangano ca Mwaami Lesa kuJelusalemu cakusangalala. Bakalinga kulisha meeca a mbelele shisankwa, mapeenga, tusenke alimwi atulumbu tunene atuniini.

2 Makani 29:36

Lyalo Mwaami Esekiya abantu bakwe boonse bakasangalala mukwiinga Lesa wakabacafwa kwaamba ayi bamanishe mulimo uyo cakufwambaana.

Mateyo 21:1

Ndibakashika pafwaafwi akuJelusalemu, bakashika kuBetefagi kuKalundu ka Olifi. Mpeeke Jesu wakatuma bashikwiiya bakwe bamwi bobilo

Maako 13:3

Jesu ndyaakalinga kushiite paKalundu ka Olifi kalangene aŊanda yakwe Lesa, Pita, Jemusi, Joni alimwi aAndulu bakeepusha Jesu ndibakalinga beenka ayi,

Maako 14:26

Ndibakamana kwiimba lwiimbo lwakulumbaisha Lesa, bakaya kuKalundu ka Olifi.

Luka 18:43

Paciindi ceenka ico wakatalika kubona, lyalo wakakonkela Jesu kaaya cilumbaisha Lesa. Bantu boonse ndibakabona mbocakacitika abalo bakalumbaisha Lesa.

Luka 19:20

“Musebenshi watatu wakesa waamba ayi, ‘Nkambo, ndi lyaali lyanu, ndakalyaangabo pakatambala akulishisa.

Luka 19:29

Ndyaakashika kufwaafwi amandabala a Betifagi aBetani mweela Kalundu ka Olifi, wakatuma bashikwiiya bakwe bamwi bobilo

Luka 19:36

Ndyaakalinga kuya kaatantite pambongolo, bantu bakayala shakufwala shabo sha peculu munshila.

Luka 7:16

Boonse bantu bakaloonda abuumbi, mpeeke bakalumbaisha Lesa kabaamba ayi, “Ncakwiila mulaluki munene wesa mukwikala pakati kesu!” Bakaamba alimwi ayi, “Lesa wesa mukupulusha bantu bakwe!”

Joni 12:18

Nceceeco bantu ncebakamucinshila mukwiinga bakanyumfwa ayi ngowakacita caankamiko ico.