Luka 18:4 - Baibo Busansulushi Bwa Libuku Ili

⁴ Nshiku shakafulabo moomboloshi uyo kaakaka, sombi pesule wakalyaamboosha mwiine ayi, ‘Nakubi kwaamba ayi nshiloondi Lesa nabi kulemeka muntu,

Luka 18:4 Marejeleo ya Msalaba

Luka 12:17

Ndyaakabona boobo, wakatalika kuyeeya mumoyo ayi, ‘Ntoocita buyani butala nshicite mwakubika shakulya shangu shoonse ishi?’

Luka 16:3

Mpeeke shikulama buboni uyo wakalyaamboosha mumoyo ayi, ‘Ntoocita buyani ono mwaami wangu mbwaatooyanda kunkusha ncito? Nshicite nkusu shakulima alimwi kusengelela kulampa nsoni.

Luka 18:2

Wakaamba ayi, “Kwakalinga moomboloshi mundabala imwi watakalinga kuloonda Lesa nabi kulemeka muntu.

Luka 18:3

Kwakalinga amukalubinje mwanakashi mundabala yeenka iyo wakalinga kuya kumoomboloshi lyoonse lyoonse mukusenga ayi, ‘Amumanishileko mulandu uyu ngooncite ashimulanduma!’

Luka 20:13

Lyalo mwine muunda uyo wakaamba ayi, ‘Ntoocita buyani? Anu ntootumakobo mwanaangu ngoonsunishi mpashi lakwe balaakumupa bulemu.’

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!

Boomboloshi 14:17

Wakamulilila panshiku shosanwe ashobilo sha kusekelela kwabo, sombi pabushiku bwakweelaako wakamusansulwita ceebo wakamupensha pacikani ico. Aboobo mwanakashi wakasansulwita bene mishaabo.