Luka 13:33 - Baibo Busansulushi Bwa Libuku Ili

³³ Nakubi boobo ndyeelete kunooli palweendo sunu, ciilo alimwi aisona mukwiinga teshi cibotu mulaluki kucailwa kumwi, sombibo kuJelusalemu.

Luka 13:33 Marejeleo ya Msalaba

Mateyo 20:18

“Tutooya kuJelusalemu uko MwanaaMuntu nkweshi bakamwaabe kubamatanjilili ba bapailishi abafundishi ba Milawo. Balaakumupingula ayi acaikwe

Mateyo 21:11

Bantu baanji baanji balya bakakumbula ayi, “Uyu nguJesu mulaluki wa kuNasaleti mucishi ca Galili.”

Luka 9:53

Sombi bantu ba mumushi uyo tabakwe kumutambula ceebo wakalinga kuya kuJelusalemu.

Joni 11:54

Paceebo ceeco, Jesu wakatalika kweenda cakuyubayuba mucishi ca Judeya. Lyalo wakaswaako uko akuya kumusena wakalinga pafwaafwi aluyanga, mumushi wa Efulaimu, uko nkwaakaya mukwikala abashikwiiya bakwe.

Joni 11:9

Jesu wakakumbula ayi, “Sa te malumwi alicite maawala likumi aobilo? Mukwiinga muntu weenda malumwi taakoonshi kulisuntula ceebo uleenda mumumuni wa lisuba.

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Joni 9:4

Kulilabo kalicili malumwi tulyeelete kucita milimo ya wooyo wakantuma. Ciindi ca mashiku citooshikila muntu ndyaatakoonshi kusebensa.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 13:27

Bantu ba muJelusalemu alimwi abeendeleshi babo tabakwe kwishiba ayi Jesu ngoMupulushi, nabi kunyumfwishisha maswi a balaluki bakulukulu abelengwa lyoonse pabushiku bwakookesha bwa Cibelu. Sombi pakumoombolosha akupingula ayi acaikwe, bakacita kweelana abwakaamba balaluki bakulukulu.