Luka 12:33 - Baibo Busansulushi Bwa Libuku Ili

³³ Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 12:33 Marejeleo ya Msalaba

Tushimpi 13:7

Bamwi bantu balalibonesha kubila, sombi kabatacite nabi comwi. Bamwi balalibonesha ayi mbakandu, sombi mbobacite buboni buunji abuumbi.

Agayi 1:6

Mwakalima shili anga ngamaila shiinji, sombi mwakatebulamobo shiniini. Mulicite shakulya, sombi tashikwani ayi mukute. Mulicite waini, sombi nyotwa taimaani. Mulicite shakufwala, sombi teshi shiinji cakumukasaasha. Muntu uyo usebensa taafoli amaali akwana kulyaamo.

Mateyo 19:21

Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Luka 12:21

Mpeeke Jesu pakumanisha wakaamba ayi, “Mbweeke ubo mbocibete kubaabo balilundikila buboni, sombi tababiliteewo kuli Lesa.”

Luka 16:9

Jesu wakatolelela kubaambila ayi, “Ntoomulwiita ayi amusebenseshe buboni bwa mucishi cino kwaamba ayi mucane beshicibusanyinaanu, buboni bwaakumana, bakamusekelele mumaanda atamaani.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Joni 12:6

Taakwe kwaamba boobo ceebo cakunyumfwila nkumbu bakandu, sombi mukwiinga wakalinga mwiipi. Judasi ngowakalinga kusunga coola ca maali, aboobo wakalinga kwiipaamo kaasebensesha mwiine.

Milimo ya Batumwi 2:45

Nkokwaamba ayi bakalinga kuulisha buboni bwabo, ashintu shoonse nshebakalinga kucite akwaabanya maali kweelana akubula kwa muntu womwi awomwi.

2 Bene Kolinto 8:2

Bantu ba mushoonde isho bakasunkwa abuumbi kumapensho ayo ngobakeendaamo, sombi ceebo bakalinga kusangalete lyoonse, bakalinga kupa shipo amyoyo yabo yoonse, nakubi kwaamba ayi bakalinga bakandu.