Luka 1:69 - Baibo Busansulushi Bwa Libuku Ili

⁶⁹ Watupa Mupulushi ucite nkusu kuswa mulunyungu lwakwe Defedi musebenshi wakwe.

Luka 1:69 Marejeleo ya Msalaba

2 Samwelo 22:3

Lesa wangu ngomwaandami wangu, shikumfuna. Ulantabilila anga ndiyawo, Ee, ulamfuna akundama kabotu. Ncakwiila ngumupulushi wangu. Ulandama akumpulusha munkondo.

2 Samwelo 7:26

kwaamba ayi liina lyanu linokwiinditewobo bulemu kwanshiku shoonse. Lyalo bantu bakanokwaamba ayi, ‘Ee, Mwaami Lesa Shinkusu shoonse nguLesa weendelesha bene Isilaeli!’ Munshila iyo mulaakupa coolwe bamulunyungu lwangu nebo nemusebenshi wanu ayi bakanookweendelesha bene Isilaeli lyoonsebo.

1 Baami 11:13

Teshi nkamunyaaye bulelo boonse, sombi ndaakumushiila mukowa womwi ceebo ca musebenshi wangu Defedi alimwi aJelusalemu ndabala inene njendakasala ayi njaangu.”

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Kulumbaisha 89:17

Ndimwe mutupa bulemu ankusu, Munkumbu shanu tulaba ankusu lyoonsebo.

Kulumbaisha 89:3

Mwebo mwakaamba ayi, “Ndacita cipangano amuntu ngondakasala. Ndakashomesha cakulumbila kuli Defedi musebenshi wangu ayi,

Jelemiya 30:9

Sombi balaakunoosebensela ndime neMwaami Lesa, Lesa wabo awamulunyungu lwakwe Defedi uyo ngweshi nkasale kuba mwaami wabo.

Esekelo 29:21

“ ‘Pabushiku ubo ndaakupa nkusu shiinji mushobo wa bene Isilaeli, awebo Esekelo ndaakukucalula mulomo ayi ukaambe pakati kabo. Lyalo ndyeshi bakeshibe kwaamba ayi nebo ndi Mwaami Lesa.’ ”

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Mateyo 1:1

Jesu Klistu wakashalwa mulunyungu lwakwe Defedi aAbulaamu.

Maako 11:10

Lesa aape coolwe buleelo bwakwe ishiwesu Defedi ubo butoosa! Aalumbaishikwe Lesa kwiculu lya maculu!”

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

1 Samwelo 2:1

Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!

1 Samwelo 2:10

Balwani ba Mwaami Lesa balaakunyonyoolwa, ulaakubakalalila mbuli cilulumo ca mfula kuswa kwiculu, Mwaami Lesa ulaakoombolosha cishi ca panshi coonse. Ulaakupa nkusu mwaami ngwaakasala, mwaami uyo ulaakumulengesha kukoma.”