Kulumbaisha 98:4 - Baibo Busansulushi Bwa Libuku Ili

⁴ Amoolobeshe cakusangalala kuMwaami Lesa nobamucishi ca panshi! Amumulumbaishe akumwiimbila cakukondwa!

Kulumbaisha 98:4 Marejeleo ya Msalaba

Kulumbaisha 100:1

Amwiimbile Mwaami Lesa, mwebo nobantu ba mucishi ca panshi.

Kulumbaisha 66:1

Nobantu noonse, amulumbaishe Lesa akoolobesha cakusangalala

Kulumbaisha 66:4

Nsengwe yoonse ilalambila ndimwe, balamwiimbila nyimbo shakulumba. Ncakwiila baleemba nyimbo shakulumbaisha liina lyanu.”

Kulumbaisha 67:4

Mishobo yoonse aikondwe akwiimba ceebo cakusangalala mukwiinga muloombolosha bantu cakutanyengelela, akutanjilila mishobo yoonse ya pacishi ca panshi.

Kulumbaisha 71:22

Ndaakumulumbaisha akalumbu ceebo cakushomeka kwanu nobaLesa bangu. Ndaakunokwiimba akalumbu mukumulumbaisha ndimwe noMusalalite ba bene Isilaeli.

Kulumbaisha 95:1

Amwise twiimbile Mwaami Lesa cakusangalala, Atwiimbe cakoolobesha kuMwaandami utufuna.

Kulumbaisha 95:2

Atuye pameenso akwe akulumba, atwiimbe nyimbo shakulumbaisha akulisha shilimba.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 42:11

Oluyanga amandabala ako amumulumbaishe. Mwebo nobantu bene Keda amumulumbaishe! Amwebo momwikala mundabala inene ya Sela amoolobeshe ceebo cakusangalala ee, amoolobeshe peculu lya tulundu.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Ciyubululo 19:1

Ndishakeenda shoonse ishi, ndakanyumfwa cakalinga kunyumfwika anga nciyobeyobe cinene ca bantu baanji kwiculu kabaamba ayi, “Aalumbaishikwe Lesa! Lupulusho, bulemu alimwi ankusu shoonse nshakwe Lesa wesu!

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!