Kulumbaisha 98:2 - Baibo Busansulushi Bwa Libuku Ili

² Mwaami Lesa wapukisha lupulusho lwakwe, akuyubulula bululami bwakwe kumishobo yoonse.

Kulumbaisha 98:2 Marejeleo ya Msalaba

Kulumbaisha 22:31

Balaakushimikila shalupulusho lwakwe kubantu batana kushalwa bulya. Balaakulwiitikwa shintu shoonse nshaakacita.

Kulumbaisha 24:5

Muntu uyo ulaakupekwa coolwe kuswa kuMwaami Lesa. Kululama kwakwe kulaakuswa kuli Lesa, Mupulushi wakwe.

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 62:2

Mishobo imwi yoonse ilaakubona bululami bwako. Bamaami boonse balaakubona bulemu bwako. Balaakunookwiita liina lipya ilyo Mwaami Lesa mwiine ndyeshi akakupe.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Luka 3:6

Lyalo mishobo yoonse ya bantu ilaakubona lupulusho lwakwe Lesa!’ ”

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”

Bene Loma 10:18

Ono sa bene Isilaeli tabakwe kwaanyumfwa Makani aya? Ncakwiila bakaanyumfwa bweenka bwaamba Malembo akwe Lesa ayi, “Maswi abeshikushimikila akanyumfwika mucishi coonse, makani abo akashika akweela cishi.”

Bene Loma 9:30

Ncetutokwaamba nceeci, baswamashi bakunsengwe tebakalinga kweelesha kulilulamika pameenso akwe Lesa. Sombi Lesa wakabalulamika ceebo bakamushoma.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.