Kulumbaisha 98:1 - Baibo Busansulushi Bwa Libuku Ili

¹ Amwiimbile Mwaami Lesa lwiimbo lupya, mukwiinga wakacita shintu shikankamika. Lyaansa lyakwe lyalulyo, ee, mukono wakwe usalalite wamulengesha kukoma.

Kulumbaisha 98:1 Marejeleo ya Msalaba

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Ciyubululo 14:3

Bantu aba bali 144,000 bakeemikana kunembo lya cuuna ca bwaami cakwe Lesa, shilengwa shuumi isho shone alimwi alya bamaloba. Bantu aba bakalinga kwiimba lwiimbo lupya, ulo lutacite aumwi wakalinga kukonsha kulwiiya alimwi mbobakapulushikwa mucishi ca panshi.

Kulumbaisha 96:1

Amwiimbile Mwaami Lesa lwiimbo lupya. Nocishi coonse, amwiimbile Mwaami Lesa!

Kulumbaisha 33:3

Amumwiimbile lwiimbo lupya, kulisha cabuuya pakalumbu ako, alimwi akoolobesha cakusangalala.

Kulumbaisha 96:3

Amwaambilishe bulemu bwakwe kumishobo yoonse, Amwaambilishe milimo yakwe ya nkusu kubantu boonse.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Milimo ya Batumwi 2:11

bamwi mbaJuda abaswamashi bakunsengwe bakonkela kwiisha kwa baJuda alimwi swebo sobamwi tulaswa kuKileti akuAlebya. Nakubi boobo soonse tutoonyumfwa kabaamba mishobo yesu shashintu shinene isho Lesa nshaakacita!”

Luka 1:49

mukwiinga wa shintu shinene nshaancitila Lesa Shinkusu shoonse. Liina lyakwe lilisalalite.

Jelemiya 31:22

Citooba ciindi cilaamfu buyani kamutonsha mwebo nobaana batashomeki? Nebo neMwaami Lesa ndaakulenga cintu cipya pacishi ca panshi, ee, cintu cipusenebo anga ngumwanakashi kutabilila musankwa.”

Isaya 63:5

Ndakalangalanga, sombi taaku ngondakabona weenga wancafwaako. Ndakankamana kubona kwaamba ayi taaku shikuncafwa nabi womwi. Paceebo ceeco ndakakoma kwiinda mulyaansa lyangu lya nkusu. Bukali bwangu bwakampa nkusu.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Kulumbaisha 149:1

Amulumbaishe Mwaami Lesa! Amwiimbile Mwaami Lesa lwiimbo lupya. Amumulumbaishe mulibungano lya bantu bakwe basalalite.

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Isaya 59:16

Wakabona kwaamba ayi tepakalinga nabi womwi wakalinga kukonsha kucitaawo cimwi cintu pacikani ico. Aboobo wakayeeyabo ayi abapulushe lakwe mwiine ankusu shakwe. Mukucita boobo wakatanjisha bululami bwakwe.

Kulumbaisha 139:14

Ndamulumbaisha ceebo mwakanenga munshila ikankamika. Ncakwiila milimo yanu yoonse ilakankamika. Cikani ici ndicilabilite amoyo wangu woonse.

Kulumbaisha 136:4

Mwaami Lesa eenkabo ngookonsha kucita shaankamiko, ee, mukwiinga lusuno lwakwe ndwamuyayaya.

Kulumbaisha 105:5

Kamwiibaluka shitondesho sha nkusu sha kwiculu nshaakacita, shankamiko shakwe alimwi abupingushi mbwaakapa.

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Kulumbaisha 77:14

Ndimwe nobaLesa nomucita shaankamiko, mulatondesha nkusu shanu pamishobo ya mucishi.

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Milimo ya Batumwi 19:20

Ceebo ca shintu shoonse ishi shakalinga kucitika, bantu baanji baanji bakalinga kunyumfwa maswi aamba paMwaami Jesu akusebensa cankusu.

Ciyubululo 6:2

Ndindakalangilisha, ndakabona liaki lituba, kapatantite muntu wakalinga kucite buta alimwi wakapekwa amushini wa bwaami. Kuswawaawo wakaya anga ngushikukoma utooya mukukoma bamwi.

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Kulumbaisha 72:18

Aalumbaishikwe Mwaami Lesa, Lesa wa bene Isilaeli! Lakwe eenka ngwaacita shintu ishi shikankamika.

Kulumbaisha 89:14

Bululami akoombolosha kwakutanyengelela shili anga ndwiimbi lwa cuuna ca bwaami bwanu. Lusuno lwanu lutamaani akushomeka shilaboneka mushoonse nshemucita.

Isaya 12:5

Amwiimbile Mwaami Lesa ceebo wacita shintu shabulemu. Cikani ici acishibikwe mucishi coonse ca panshi.