Kulumbaisha 97:3 - Baibo Busansulushi Bwa Libuku Ili

³ Mulilo uleendela kunembo lyakwe. Ulaya citenta balwani bakwe mumbasu shoonse.

Kulumbaisha 97:3 Marejeleo ya Msalaba

Kulumbaisha 50:3

Lesa wesu utoosa, sombi kuteshi buumwite. Mulilo ubilima, ukali, ulibo muliimfwa lyakwe. Acalo cipuupu ciyoosha cilimushingulukite.

Kulumbaisha 18:8

Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

Bene Ebulu 12:29

Mukwiinga Lesa wesu ncakwiila ngumulilo unyonyoola.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Danyelo 7:10

Mulonga wa mulilo wakalinga kukunka, ee, kukunka kuswa muli ncico kuya kunembo lyakwe. Kwakalinga shuulu ashuulu sha baabo bakalinga kumusebensela. Kunembo lyakwe kwakalinga kwiimfwi bantu baanji cakutabelengeka. Nkuta yakatalika amabuku akacalulwa.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

Abakuku 3:5

Kunembo lyakwe kwakalinga mwaalu, pesule lyakwe pakalinga bulwashi buyoosha.

Ciyubululo 11:5

Na umwi weelesha kwaamba ayi abaciise, mumilomo yabo mulaswa mulilo uyo unyonyoola balwani babo. Nkokwaamba ayi uyo woonse weelesha kubacisa, ulacaikwa munshila njemunya iyi.

Dutolonomi 5:4

Pakalundu palya Mwaami Lesa wakabandika kuli ndimwe mulomo amulomo mumulilo.

Dutolonomi 4:36

Wakamusuminisha kunyumfwa liswi lyakwe kuswa kwiculu kwaamba ayi amupe milasho, alimwi pano pacishi ca panshi wakamusuminisha kwaamba ayi mubone mulilo wakwe usalalite, akubandika kuli ndimwe mumulilo uyo.

Dutolonomi 4:11

“Mukabaambile mbuli mbomwakaya mukwiimikana munshaaKalundu ako kakalinga kufweketwe amakumbi ashiya mbi, alimwi amulilo kaubilima abuumbi cakushika mwiculu mwiine.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.

Kulumbaisha 18:9

Mwaami Lesa wakapensula liculu akwisa panshi. Kuunshi kwa myeendo yakwe kwakalinga makumbi ashiya mbi.

Esekelo 1:4

Ndindakalangilisha, ndakabona cipuupu kaciswita kumatwa. Kubeka kwa mfula kwakalinga kuswa mulikumbi linene kalishingulukitwe amumuni unene. Pakati ka mabeebe pakalinga kuboneka cintu cakalinga kubembelabo anga ngubulonse.