Kulumbaisha 97:2 - Baibo Busansulushi Bwa Libuku Ili

² Makumbi amunshinshe ushiya mbi shilimushingulukite. Bululami akoombolosha kwakutanyengelela shili anga ndwiimbi lwa cuuna ca bwaami bwanu.

Kulumbaisha 97:2 Marejeleo ya Msalaba

Kulumbaisha 89:14

Bululami akoombolosha kwakutanyengelela shili anga ndwiimbi lwa cuuna ca bwaami bwanu. Lusuno lwanu lutamaani akushomeka shilaboneka mushoonse nshemucita.

Kulonga 19:9

Mpeeke Mwaami Lesa wakaambila Mose alimwi ayi, “Ndaakwisa kuli ndiwe mulikumbi litikeme kwaamba ayi bantu bakanyumfwe ndyeshi nkanokwaamba awebo akulengesha ayi bantu bakatalike kukushoma kuswa apo peenka.” Lyalo Mose wakalwiita Mwaami Lesa maswi akaamba bantu,

Tushimpi 16:12

Bamaami balipatite micito ibiibi ceebo bweendeleshi bulayuma kwiinda mubululami.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Naamu 1:3

Mwaami Lesa taakalali bwaangu alimwi ngushinkusu shiinji. Taalangibo muntu wabisha kutamupa mulandu. Uleendela mukapupuulwa amucipuupu. Makumbi alaba ndolusuko lwa myeendo yakwe.

Kulumbaisha 77:19

Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.

Kulonga 20:21

Sombi bantu bakalingabo mpomunyaawo palaale, eenkabo Mose ngowakasena pafwaafwi alikumbi lishiya apo pakalinga Lesa.

Jobo 23:14

Ulaakuncita bweenka mbuli mbwaabambite pali ndime, Ulicite miyeeyo aimwi iinji njaabambite kucita pali ndime.

Jobo 26:9

Ulafwekelesha mweenshi uli kumunshinshe, ncakwiila ulaufwekelesha amakumbi akwe.

Kulumbaisha 89:15

Balicite coolwe abo bamulambila munyimbo. Balicite coolwe abo beenda mumumuni wa bulemu bwanu.