Kulumbaisha 92:7 - Baibo Busansulushi Bwa Libuku Ili

⁷ ayi nabi bamucita shibi basumpuka calubilo bweenka bukula bwiisu, ee, nabi bacita shilubo boonse inga basumpuka, balaakunyonyoolwa cakumaninina.

Kulumbaisha 92:7 Marejeleo ya Msalaba

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.

Kulumbaisha 37:38

Bamucita shibi boonse ulaakubamana katyenke. Ee, bamulunyungu lwa bamucita shibi balaakulobeshekwa.

Kulumbaisha 73:12

Amubone bantu babiibi mbobabete. Balo lyoonse balaba ashiinji alimwi balabililaawo.

Kulumbaisha 73:22

ndakalinga muluya utanyumfwi, ndakababo anga ngumunyama kuli ndimwe.

Kulumbaisha 94:4

Balaamba maswi akulisumpula cakutacilekaawo, bamucita shibi balalyuuma mushaamba lyoonse.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Isaya 37:27

Bantu ba mumo tebakalinga kucite nkusu, bakaloonda abuumbi akulenshekwa nsoni. Bakababo anga ninsaku mumyuunda nabi bwiisu butoomena paciluli shiyuma muciindi ciniinibo na muuwo ulungula wesa.

Malaki 3:15

Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

1 Pita 1:24

Bweenka bwaamba Malembo akwe Lesa ayi, “Bantu boonse bali anga mbwiisu, bulemu bwabo buli anga ngamaluba amuluundu. Bwiisu bulayuma alimwi maluba alaloka,