Kulumbaisha 92:6 - Baibo Busansulushi Bwa Libuku Ili

⁶ Utabete musongo taakoonshi kwishiba, ee, muluya taakoonshi kunyumfwishisha

Kulumbaisha 92:6 Marejeleo ya Msalaba

Kulumbaisha 104:24

NoBaami baLesa, mwakalenga shintu shiinji! Ncakwiila shoonsebo mwakashilenga amaano! Ee, cishi ciliswitebo shilengwa shanu.

Kulumbaisha 139:14

Ndamulumbaisha ceebo mwakanenga munshila ikankamika. Ncakwiila milimo yanu yoonse ilakankamika. Cikani ici ndicilabilite amoyo wangu woonse.

Kulumbaisha 14:1

Baluya mumyoyo yabo balaamba ayi, “Taaku Lesa.” Bantu abo mbamucita shibi, micito yabo njibiibi. Ncakwiila taaku ucita shibotu nabi womwi.

Kulumbaisha 32:9

Utabuli maano anga ndiaki nabi mbongolo isho shicitabo kuyanda kwa mwinesho na shilyaangitwe ntambo atweela mukanwa. Kwabula boobo shifubwa isho tashinyumfwili.

Kulumbaisha 49:10

Ndushinisho basongo abalo balafwa, batacite maano boonse balaloba, akunooshiyabo buboni bwabo kubamwi.

Kulumbaisha 73:22

ndakalinga muluya utanyumfwi, ndakababo anga ngumunyama kuli ndimwe.

Kulumbaisha 75:4

Ndaambila bantu beshikulisumpula ayi, ‘Mutanoolisumpula!’ Abalo bamucita shibi ndabaambila ayi, ‘Amucileeke kulisumpula pankusu shanu.

Kulumbaisha 94:8

Amunyumfwe mwebo nomutacite maano nomuli pakati ka bantu bangu. Mwebo nobaluya, anu mulaakuba lili basongo?

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 24:7

Ncintu ciyumu kumuluya kuba abusongo palibungano liba kumwinjililo taaku ancaawaalaawo nabi comwi.

Tushimpi 30:2

“Ncakwiila ndi muluya weeleleshako kubaluya boonse. Nshiciteewo kalango kacite bantuma, sobwe.

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Isaya 28:29

Busongo boonse ubo bulaswa kuMwaami Lesa Shinkusu shoonse, ee, kuli Lesa uyo ukankamanisha mukupanda maano amubusongo bwakwe.

Isaya 55:9

Bweenka liculu mbolili kulaale acishi ca panshi, mbweeke ubo miyeeyo yangu mbweebete kulaale ayaanu. Ashalo nshila shangu mboshibete kulaale ashaanu.

Jelemiya 10:14

Boonse mbaluya alimwi tabacite lushibo. Beshikufula golodi boonse balicite nsoni ceebo ca shibumbwabumbwa shabo. Balesa babo mbabubeshi alimwi tabayooyi.

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.