Kulumbaisha 92:5 - Baibo Busansulushi Bwa Libuku Ili

⁵ Micito yanu njinene abuumbi, noBaami baLesa! Miyeeyo yanu noBaami baLesa, njiyumu kwishiba.

Kulumbaisha 92:5 Marejeleo ya Msalaba

Kulumbaisha 104:24

NoBaami baLesa, mwakalenga shintu shiinji! Ncakwiila shoonsebo mwakashilenga amaano! Ee, cishi ciliswitebo shilengwa shanu.

Kulumbaisha 111:2

Milimo ya Mwaami Lesa njinene abuumbi, ilayeeyekwa abantu boonse abo basangalala muli njiyo.

Kulumbaisha 139:17

Miyeeyo yanu nobaLesa ilangalila kwiinyumfwa, ndushinisho miyeeyo yanu pali ndime italifulili.

Kulumbaisha 36:6

Kululama kwanu kulabonekesha anga ntulundu tulaamfu. Bululami bwanu buli anga ndweenge lulaamfu abuumbi. NoBaami baLesa, bantu abanyama ndimwe mubalama.

Kulumbaisha 40:5

Shintu shikankamika nshemwakatucitila nshiinji, noBaami baLesa, baLesa besu. Taaku ukonsha kushimika shintu nshemwakatubambila. Nshikoonshi kushaamba shoonse mukwiinga shafulisha.

Kulumbaisha 64:6

Balapinga kucita miyeeyo italuleme. Balaamba ayi, “Twapanga muyeeyo ubotu abuumbi!” Ncakwiila miyeeyo amyoyo ya bantu ilishupite.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Shikushimikila 7:24

Busongo nabi buli buyani, nciyumu abuumbi kwaamba ayi tubunyuumfwe. Ino ngani ukonsha kubucana?

Isaya 28:29

Busongo boonse ubo bulaswa kuMwaami Lesa Shinkusu shoonse, ee, kuli Lesa uyo ukankamanisha mukupanda maano amubusongo bwakwe.

Jelemiya 23:20

Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

1 Bene Kolinto 2:10

Sombi Lesa wakatuyubulwita sheeshi kwiinda muMushimu Usalashi. Ceebo Mushimu Usalashi ngooshi shintu shoonse nabi miyeeyo yakwe Lesa ya bushishi.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!