3 Ncakwiila ncibotu kumulumbaisha kwiinda mukulisha kalumbu ka mawaya likumi, akumulumbaisha mumukumo wa kalumbu.
Defedi abene Isilaeli bamwi boonse bakalinga kushana cankusu shabo shoonse mukulemeka Lesa. Bakalinga kwiimba akulisha tulumbu tuniini atunene, ngoma, tusenke twakulisha amapeenga.
Kuswawaawo Defedi wakaambila bamatanjilili bene Lefi ayi basale bamakwababo beshi banokwiimba nyimbo shakusangalala alimwi banoolisha tulumbu tunene atuniini alimwi atusenke twakulisha.
Bakalinga kulemeka akulumbaisha Mwaami Lesa lyoonse macuunsa amacolesha
Bana bakwe boonse bakalinga kutanjililwa abamashali babo basankwa mukulisha tusenke atulumbu tunene atuniini pakulambila muŊanda yakwe Lesa. Asafu, Jedutuni alimwi aEmani balo bakalinga kutanjililwa amwaami Defedi.
Ndibakashika mundabala ya Jelusalemu bakeendililabo kuŊanda yakwe Lesa kabaya cilisha tulumbu tunene atuniini alimwi amapeenga.
Lyabili likalaame ŋanda ya bwaami alyalo lyatatu likalaame Mwinjililo wa Tuntupu. Bantu bamwi boonse balyeelete kubungana mumansa sha Ŋanda yakwe Lesa.
Mwaami wakakonkela milasho iyo Mwaami Lesa njaakapa mwaami Defedi kwiinda muli Gadi mulaluki wakwe amumulaluki umwi Natani. Wakeemika bene Lefi muŊanda yakwe Lesa kabacite tusenke twakulisha atulumbu tunene atuniini.
Ono paciindi cakusalasha lubumbu lwa ndabala ya Jelusalemu, bene Lefi bakeetwa kuswa mumisena mobakalinga kwikala kwaamba ayi babeeko pakusekelela kusalasha uku akwiimba nyimbo shakulumba alimwi akulisha tusenke atulumbu tunene atuniini.
Abalumbaishe liina lyakwe uku kabashana, amulishe misebe atulumbu.
Amulumbaishe Mwaami Lesa mukulisha kalumbu, kwiimba nyimbo akalumbu ka mawaya likumi!
Ndeepusha Lesa, mwaandami wangu ayi, “Ceebonshi mwandubaako? Ino nceebonshi nceshi nokweendabo alyaansa munshingo ceebo ca kulyatililwa kubalwani bangu?”
Ono omoyo wangu libambe! Okalumbu kangu libambe! Ceebo ndyeelete kucesha bushiku.
Bali kunembo mbeshikwiimba, pesule mbeshikulisha tulumbu ashimwi. Balo bali pantu pomwi abalutundu beshikulisha misebe.
Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.
Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.