Kulumbaisha 92:15 - Baibo Busansulushi Bwa Libuku Ili

¹⁵ Ici cilatondesha ayi Mwaami Lesa uliluleme, alimwi ayi taamu cibiibi mumwaandami wangu.

Kulumbaisha 92:15 Marejeleo ya Msalaba

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Bene Loma 9:14

Ono sa inga twaamba ayi Lesa taaluleme? Sobwe, napaceyi.

Kulumbaisha 62:6

Lakwe eenka ngomwaandami wangu alimwi ndolupulusho lwangu. Teshi nkatenkanishikweewo ceebo lakwe ndilinga lyangu.

Kulumbaisha 145:17

Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.

Jobo 34:10

“Ono amunkutike nomucite lushibo. Ndushinisho Lesa taakoonshi kucita cibiibi, ee, inga tacicitiki Shinkusu shoonse kuluba.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Sefaniya 3:5

Sombi Mwaami Lesa ululeme ucili mundabala iyo. Ulacita bululami, taaciti shilubo. Uloombolosha cakutanyengelela bushiku abushiku. Ciindi coonse taalilwi kucita boobo. Sombi bataluleme balabisha cakubula nsoni.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Dutolonomi 34:7

Mose wakafwa kaacite myaaka ili 120. Nacibi boobo wakalinga kunoocilashabo kabotu alimwi kaacicitebo nkusu.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Tushimpi 10:27

Kuloonda Mwaami Lesa kulafusha nshiiku kubuumi pacishi, sombi buumi bwa mucita shibi bulafwiimpishikwa.