Kulumbaisha 91:5 - Baibo Busansulushi Bwa Libuku Ili

⁵ Utakaloondi kushintu shiyoosha sheenda mashiku, nabi mifwi iswa kubalwani bako malumwi.

Kulumbaisha 91:5 Marejeleo ya Msalaba

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”

Kulumbaisha 112:7

Teshi akaloonde nabi akanyumfwe makani abiibi moyo wakwe nguyumu ceebo ulicinkite manungo muMwaami Lesa.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Kulumbaisha 46:2

Aboobo teshi tukaloonde nabi cishi cikatenkaanishikwe, atwalo tulundu tukapile panshi peene mulweenge.

Mateyo 8:26

Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.

2 Baami 7:6

Mwaami Lesa wakalengesha ayi bene Silya banyumfwe anga mbashilumamba batoosa cicica amaaki alimwi ashikoci. Balo bene Silya bakayeeya ayi mwaami wa bene Isilaeli walipila bamaami ba bene Iti abene Ijipiti pantu pomwi abashilumamba babo ayi bese babalwaane.

Luka 12:39

Sombi amunyumfwishe cikani ici. Naakwiinga mwine ŋanda keeshi ciindi mwiipi ndyeshi ese, inga taalekibo mwiipi ayi enjile muŋanda yakwe.

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Isaya 21:4

Moyo wangu utookulunkunta, ntootutumabo kuboowa. Ndalinga kulilila ayi nshike bwangu mumuntungulya, sombi muntungulya wandetelabo boowa.

Lwiimbo lwakwe Solomoni 3:8

Boonse balicite mipeeni. Boonse beenka bacibwene kulwana. Womwi awomwi ulicite mupeeni wakwe mukulibambila nkondo ibuka mashiku.

Jobo 6:4

Mifwi yakwe Lesa Shinkusu shoonse ilinjasite. Bukali bwa njiyo butokweendeenda mumubili. Shintu shiyoosha shakwe Lesa sheelekwa kuli ndime.