Kulumbaisha 91:4 - Baibo Busansulushi Bwa Libuku Ili

⁴ Ulaakumufwekelela mumapapaminwa akwe, ee, mumapapaminwa akwe mweshi mukabe ciyubilo canu. Kushomeka kwakwe kulaakumutabilila anga ndiyawo nabi lubumbu lwa ndabala.

Kulumbaisha 91:4 Marejeleo ya Msalaba

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Kulumbaisha 138:2

Ndaakufukama kunembo lya Ŋanda yanu isalalite. Ndaakulumbaisha liina lyanu ceebo ca lusuno lwanu lutamaani akushomeka kwanu. Ee, mukwiinga mwasumpula liina lyanu amaswi anu kwiinda shintu shimwi shoonse.

Kulumbaisha 17:8

Amundaame kabotu bweenka bulamwa liinso, amunshiise muliimfwa lyanu bweenka nkuku mboifukatisha baana.

Kulumbaisha 35:2

Amupakate liyawo liniini alinene. Amunyamuke ono muncaafwe!

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.

Kulumbaisha 61:4

Amunsuminishe kwikala mumusena wanu usalalite kwabuumi bwangu boonse. Aankale munshaacimfule ca mapapaminwa anu kwaamba ayi mbule cakulisukama.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Maako 13:31

Liculu alimwi acishi ca panshi shilaakumana, sombi maswi angu teshi akamaneewo, sobwe.

Dutolonomi 32:11

bweenka mbuli mumbankwashi mbwaapalanganya ciinswa, akunooshinguluka peculu lya bana bakwe, ulafungulula mapapaminwa akwe ayi ababeleke, akubayumuna pamapapaminwa akwe.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Lute 2:12

Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”