Kulumbaisha 9:9 - Baibo Busansulushi Bwa Libuku Ili

⁹ Mwaami Lesa nciyubilo ca baabo balyatililwa, alimwi ndilinga lya mabwe muciindi ca mapensho.

Kulumbaisha 9:9 Marejeleo ya Msalaba

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.

Kulumbaisha 32:7

Muli ndimwe ndushinisho moonjuba. Mulamfuna kumapensho angu oonse. Aboobo ndeemba palupulusho lwanu ceebo mulamfuna.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Kulumbaisha 37:39

Mwaami Lesa ngoopulusha baluleme, muli nguwe mobayuba muciindi ca mapensho.

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Isaya 8:14

Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 20:1

Mwaami Lesa aamucaafwe nobaami besu, ciindi ndimuli mumapensho Mwaami Lesa, Lesa wakwe Jakobo aamufuune.

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Kulumbaisha 108:12

Amutucaafwe ono kulwana balwani besu, mukwiinga lucafwo luswa kubantu taaku mbolubete!

Kulumbaisha 142:4

Amulange kulyaansa lyangu lyalulyo, mutoobona ayi taakuuwo nabi womwi umbikaako maano. Ndushinisho taaku nkweenga ndaya mukuyuba. Taaku utoolama buumi bwangu.

Kulumbaisha 48:3

Lesa kwiinda mukucanika mukati ka malinga a njiyo, watondesha kwaamba ayi ndabala iyo ilitabilitwe kabotu.

1 Makani 16:33

Shisamu muluundu shilaakoolobesha cakusangalala paciindi Mwaami Lesa aakwisa mukulela cishi.

Kulumbaisha 7:9

NobaLesa baluleme, nomubona miyeeyo amumyoyo ya bantu. Amumanishe bubi bwa bamucita shibi akulambula baluleme.

Kulumbaisha 67:5

Bantu boonse abamulumbaishe nobaLesa, ee, bantu boonse abamulumbaishe!

Kulumbaisha 96:10

Amwaambile mishobo yoonse ayi, “Mwaami Lesa ngumwaami. Cishi ca panshi ciliimfwi mumusena womwi, aboobo tacitenkaani. Lesa uyo ulaakoombolosha bantu boonse cabululami.”

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.