Kulumbaisha 9:15 - Baibo Busansulushi Bwa Libuku Ili

¹⁵ Mishobo yawita mucilindi nceyakalikabila, bacatwa kumyeendo mukoose nkobakateya beene.

Kulumbaisha 9:15 Marejeleo ya Msalaba

Kulumbaisha 57:6

Balwani bangu bakanteya bukonde ayi bancaate, Buumba bweendilila nebo ndatentuka. Bakakaba cilindi munshila yangu ayi nkawiteemo, sombi bakawitaamo beene.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Kulumbaisha 35:8

Ono abanyonyooke beene cakuteengashila! Abacatwe beene mukoose nkobateya ndime! Abakakulukileemo beene mucilindi akufwitaamo!

Tushimpi 22:8

Uyo ushanga bubi ulatebula mapensho, amusako wakwe wakulyatilila bamwi ulaakunyonyoolwa.

Kulumbaisha 94:23

Ulaakubapa mulandu ceebo ca shibiibi shabo, ulaakubanyonyoola ceebo ca bubi bwabo. Ee! Mwaami Lesa, Lesa wesu ulaakubanyonyoola.

Kulumbaisha 37:15

Ono mipeeni yabo ilaakumana kubacaya beene, aalo mata abo alaakumana kutyoloolwa.

Kulumbaisha 13:6

Ndaakumwiimbila noBaami baLesa ceebo mwalinga kumpa shoolwe shiinji.

Kulumbaisha 20:6

Ee, ono ndeshiiba kwaamba ayi Mwaami Lesa ulalengesha mwaami ngwaakasala kukoma. Ncakwiila ulakumbula kusenga kwa mwaami wesu kuswa kwiculu lyakwe lisalalite. Ulakumbula ankusu shakwe shiindaawo shakupulusha.

Kulumbaisha 35:9

Lyalo ndaakusangalala ceebo ca Mwaami Lesa, kusangalala mukwiinga mwampulusha.

Kulumbaisha 107:22

Abamuluumbe amilambu yakulumba, akwaambilisha milimo yakwe munyimbo shakusangalala.