Kulumbaisha 86:9 - Baibo Busansulushi Bwa Libuku Ili

⁹ NoBaami baLesa, mishobo yoonse njemwakalenga ilaakwisa mukumufukamina, alimwi balaakulumbaisha bulemu bwa liina lyanu.

Kulumbaisha 86:9 Marejeleo ya Msalaba

2 Makani 6:33

amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu bamucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.

Kulumbaisha 102:15

Mishobo yoonse ilaakuloonda liina lya Mwaami Lesa. Bamaami boonse ba pacishi ca panshi balaakumulemeka.

Kulumbaisha 102:18

Ono ishi ashilembelwe lishalane licisa, kwaamba ayi abo batana kushalwa abalo bakalumbaishe Mwaami Lesa.

Kulumbaisha 66:4

Nsengwe yoonse ilalambila ndimwe, balamwiimbila nyimbo shakulumba. Ncakwiila baleemba nyimbo shakulumbaisha liina lyanu.”

Kulumbaisha 67:7

Lesa watupa coolwe, aboobo bantu boonse mucishi ca panshi abamulemeke.

Kulumbaisha 72:19

Alilumbaishikwe lyoonse alyoonse liina lyakwe lya bulemu. Bulemu bwakwe abumwaike akukwanabo cishi coonse. Ameni! Ameni!

Kulumbaisha 72:8

Cishi cakwe acikaswe kulweenge lomwi tibili akulweenge lumwi. Acikaswe kuMulonga wa Yufuletisi tibili akupilila lisuba!

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Isaya 43:7

Boonse mbantu bangu, ndakabalenga ayi banoompa bulemu.”

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Isaya 66:23

Lyalo bantu bamumishobo yoonse balaakunoosa kuJelusalemu mukulambila lyoonse panshiku sha kusekelela myeenshi ipya alimwi apanshiku shakookesha sha Cibelu.” Mwaami Lesa waamba.

Sefaniya 3:9

“Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Bene Loma 15:9

Wakalengesha abaswamashi bakunsengwe kulumbaisha Lesa ceebo ca nkumbu shakwe. Kweelana abwaamba Malembo akwe Lesa ayi, “Paceebo ceeco ndaakumulumbaisha pakati ka baswamashi bakunsengwe alimwi ndaakwiimba nyimbo shakulumbaisha liina lyanu.”

Bene Efeso 1:12

Wakalinga kusuni kwaamba ayi swebo sotwakataanguna kulangila Klistu, tulumbaishe bulemu bwakwe Lesa.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 20:3

Munjelo wakamuwaala mucilindi citeeli, wacalaako akumataako kwaamba ayi atakacenjeekiwo mishobo ya bantu lyobilo kushikila myaaka iyo ili cuulu ikamaane. Lyalo ndyeshi akaangululwe kwaciindi ciniinibo.