Kulumbaisha 86:11 - Baibo Busansulushi Bwa Libuku Ili

¹¹ NoBaami baLesa amunjiishe mboonjelete kweenda, kwaamba ayi nkanokweenda mulushinisho lwanu. Amunjiishe kumusebensela amoyo wangu woonse, kwaamba ayi noolemeka liina lyanu.

Kulumbaisha 86:11 Marejeleo ya Msalaba

Jobo 34:32

Sa wakasengawo kale Lesa ayi akutondeshe shilubo shako akusumina ayi teshi ukabishewo tubili?

Kulumbaisha 119:30

Ndakasala kwikala mukushomeka, ndabika maano angu kumilawo yanu.

Kulumbaisha 119:33

Nobaami baLesa, amunjiishe mboonjelete kukonkela milasho yanu. Ncakwiila ndyeshi nkeelaame kushikila kumamanino.

Kulumbaisha 119:73

Ndakalengwa akubumbwa kuswa kumaansaanu. Ono amumpe maano kwaamba ayi njiye milawo yanu.

Kulumbaisha 25:12

Anu ngani muntu ulemeka Mwaami Lesa? Ngooyo utondeshekwa kuswa kuli nguwe nshila njeelete kutola.

Kulumbaisha 26:3

Ceebo lyoonse nshilubi lusuno lwanu lutamaani, alimwi lyoonse mubuumi bwangu ndeenda cakushomeka kuli ndimwe.

Kulumbaisha 27:11

Anu noBaami baLesa amunjiishe nshila shanu, amunyenshe munshila isalalite ya bululami, ceebo balwani bangu mbaanji abuumbi.

Kulumbaisha 5:8

Balwani bangu mbaanji noBaami baLesa. Amuntanjilile mukucita kuyanda kwanu, mundulikile nshila yanu, noomukonkela.

Osiya 10:2

Bantu aba bacite myoyo yabubeshi bulya balyeelete kupekwa mulandu kweelana akubisha kwabo. Mwaami Lesa utoomwayoola shipaililo shabo akunyonyoola mabwe asalalite ayo ngobalambila.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Malaki 2:6

Bakalinga kwiisha shalushinisho, kakutaaku cakubeca nabi comwi. Bakalinga kwikala anebo muluumuno amubululami, alimwi akucafwa baanji ayi basanduke kuswa kushibiibi shabo.

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

1 Bene Kolinto 10:21

Tamukoonshi kunwita munkomeshi ya Mwaami Jesu aya bashikaswa. Ncakwiila tamukoonshi kulita patebulu ya Mwaami alimwi aya bashikaswa.

1 Bene Kolinto 6:17

Sombi uyo ulyaaba kuMwaami Jesu, ulaba mubili womwi aJesu mumushimu.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Bene Efeso 4:21

Ndushinisho mwebo mwakanyumfwa shapali nguwe alimwi mukwiinga mulashoma muli nguwe, mwakeeishikwa shalushinisho isho shili muli Jesu.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

2 Joni 1:4

Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.