Kulumbaisha 86:1 - Baibo Busansulushi Bwa Libuku Ili

¹ NoBaami baLesa, amuteye kutwi akunkumbula, mukwiinga ndi mukandu alimwi taaku mboombete.

Kulumbaisha 86:1 Marejeleo ya Msalaba

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 102:1

NoBaami baLesa, amunyumfwe mupailo wangu, kulila kwangu kwakusenga lucafwo akushike kuli ndimwe.

Kulumbaisha 102:17

Ulaakunyumfwa kusenga kwa bantu bakwe abo mbwaakafutatila, alimwi ulaakukutika mipailo yabo.

Kulumbaisha 119:22

Amuŋangulule kumucobwe wabo amunyansho ceebo ndakonkela kwiisha kwanu.

Kulumbaisha 140:12

NoBaami baLesa, ndishi kwaamba ayi mulafuninina bakandu, akwiimikanina bataaku mbobabete ayi batanyengelelwi.

Kulumbaisha 142:1

Ndalilila Mwaami Lesa muliswi lya peculu. Ndoolobesha kuMwaami Lesa ayi amfwite nkumbu.

Kulumbaisha 17:6

NoBaami baLesa mulankutika na ndamwiita, amuteye kutwi kwanu akutambula mupailo wangu.

Kulumbaisha 25:16

NoBaami baLesa, amunangilishe akunyumfwila nkumbu, ndaba neenka alimwi ndapeenga abuumbi.

Kulumbaisha 31:2

Amuteye kutwi kwanu kuli ndime, mwise mumfuune cakufwambaana. Amube mwaandami wangu ngweshi nooyubaako, lilinga lyangu lya mabwe mweshi noopulukila.

Kulumbaisha 34:6

Mupenshi ndyaakasenga, Mwaami Lesa wakamukumbula akumanisha mapensho akwe oonse.

Kulumbaisha 40:17

Nebo pano taaku amboombete, sombi mulambikako maano. Ncakwiila mwebo muli bapulushi bangu abaLesa bangu, amuncaafwe cakufwambaana.

Isaya 37:17

Ono noBaami baLesa boomi, amutukutike akubona shintu shoonse shitoocitika kuli ndiswe. Amukutike shintu shoonse Senakelibu nshaatokwaamba mukumucobola mwebo nobaLesa boomi.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Danyelo 9:18

“NobaLesa, amutukutike, amutulangilishe akubona mapensho ayo ngotuliimo alimwi amakatasho ayo ali mundabala iyo iitwa liina lyanu. Tatutoomusenga ceebo cakwaamba ayi tuliluleme, sombi ceebo ca nkumbu shanu shiinji.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.