Kulumbaisha 85:8 - Baibo Busansulushi Bwa Libuku Ili

⁸ Ndaakukutika kusheesho Mwaami Lesa nsheshi akaambe. Ulashomesha luumuno kuli ndiswe sobantu bakwe, kulilabo na twabula kuboolela kunshila shesu shabuluya.

Kulumbaisha 85:8 Marejeleo ya Msalaba

Matalikilo 34:7

Lyalo bakapolenshanyabo abana bakwe Jakobo basankwa kabaswa mumyuunda. Ndibakacinyumfwa cikani ico, bakakankamana akukalala abuumbi pacintu cakacita Shekemu, ico cilensha nsoni kubene Isilaeli, ndyaakacata mwanaakwe Jakobo akukumanaakwe.

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Kulumbaisha 50:5

Ulamba ayi, “Amubunganye bantu bangu bashomeka kunembo lyangu, ee, bantu abo bakapanga cipangano anebo kwiinda mukubenga mulambu.”

Tushimpi 25:11

Liswi lyeelete paciindi ceelete lilibo anga cisepo ca golodi cabikwa mucintu ca silifa.

Tushimpi 27:22

Muluya nabi mumutwe muncili, ee, kumutwa amwiinshi anga ngamaila, sombi buluya teshi bukasweewo muli nguwe.

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Abakuku 2:1

Nebo neAbakuku ndaakwiimikana anga ngushikulindilila paŋanda ilaamfu yakusompelaawo. Ndaakunoolindila kunyumfwa Mwaami Lesa nsheshi akandwiite ayi ŋambe akukumbula kwakwe pamatongooshi ngooncite.

Agayi 2:9

Bulemu bwa Ŋanda yangu iyi bulaakwiinda bulemu bwa Ŋanda itaanshi. Lyalo mumusena uyu ndaakupa bantu bangu luumuno. Nebo neMwaami Lesa Shinkusu shoonse ndaamba.’ ”

Sekaliya 9:10

Mwaami Lesa waamba ayi, “Ndaakukusha shikoci sha nkondo muEfuleemu akukusha maaki a nkondo muJelusalemu. Ncakwiila ndaakutyola mata a nkondo. Mwaami wanu ulaakuleta luumuno pakati ka mishobo. Cishi cakwe cilaakunooswa kulweenge kuya mukushika kulweenge. Cilaakunooswa kuMulonga wa Yufuletisi akuya mukushika kupilila lisuba.”

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Joni 20:19

PaSondo bushiku bweenka ubo macolesha, bashikwiiya bakalinga kubungene muŋanda ashisasa kashicalitwe cakutanjila muntu ceebo bakalinga kuloonda baJuda. Mpomunyaawo Jesu wakaboneka pakati kabo akwaamba ayi, “Luumuno lube amwebo.”

Joni 20:26

Ndipakeenda nsondo, bashikwiiya alimwi bakalinga kubungene muŋanda. Tomasi alakwe wakalingaamo. Shisasa shakalinga kucalitwe, sombi Jesu wakesa weemikana pakati kabo akwaamba ayi, “Luumuno lube amwebo!”

Joni 5:14

Kuswawaawo Jesu wakamucana musankwa uyo muŊanda yakwe Lesa akumwaambila ayi, “Bona waba kabotu ono, anu ucileeke kubisha mukwiinga cimwi cibiibi kwiinda cecilya inga caakukucitikila.”

Joni 8:11

Mwanakashi uyo wakakumbula ayi, “Taakuuwo Nkambo.” Lyalo Jesu wakaamba ayi, “Anu anebo teshi nkupeewo mulandu. Ono koya, utakacitiiwo cibiibi alimwi!”]

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Milimo ya Batumwi 3:26

Aboobo Lesa wakasala musebenshi wakwe akutaanguna kumutuma kuli ndimwe kwaamba ayi amupe coolwe mukulengesha ayi noonse womwi awomwi musanduke kuswa kushibiibi shanu.”

Bene Galatiya 4:9

Sombi bulya Lesa mulimwishi, nabi ŋambe ayi Lesa ulimwishi, ino ono mutooboola buyani kukwiisha kutacite nkusu alimwi ampindu? Ceebonshi mulisuni kuba basha ba nshisho alimwi?

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

2 Bene Tesalonika 3:16

Ono Mwaami shiluumuno amupe luumuno lyoonse amunshila shoonse. Mwaami abe amwebo noonse.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.

1 Samwelo 25:25

Nobaami bangu mutabikili mfundilishi ibaangu ulya mubiibi moyo mukwiinga bweenka bubete liina lyakwe alakwe mbwaabete, ee liina lyakwe nguNabali, lisansulula ayi muluya! Nebo nshindakalingaawo basebenshi banu ndibakashika.