Kulumbaisha 85:13 - Baibo Busansulushi Bwa Libuku Ili

¹³ Bululami bulaakutanjila kunembo lya Mwaami Lesa, akubamba nshila yakwe ayi eendeemo.

Kulumbaisha 85:13 Marejeleo ya Msalaba

Kulumbaisha 89:14

Bululami akoombolosha kwakutanyengelela shili anga ndwiimbi lwa cuuna ca bwaami bwanu. Lusuno lwanu lutamaani akushomeka shilaboneka mushoonse nshemucita.

Joni 13:34

Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.

1 Pita 4:1

Ono mukwiinga Klistu wakapenshekwa mumubili, amwebo mulyeelete kuliyumyayumya kwiinda mumuyeeyo ngomunya wakalinga kucite Klistu ceebo uyo woonse upenshekwa, teendeleshekwi abubi.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

Isaya 58:8

“Ncakwiila mwaakucita boobo coolwe canu cilaakubalabo anga nkumuyamaca. Kushilikwa kwanu kulaakufwambaana kuba. Mpeeke bululami bulaakunoomutanjilila akwalo kwisule lyanu kulaakunoobabo bulemu bwangu nebo neMwaami Lesa.

Kulumbaisha 119:35

Muntanjilile kwaamba ayi nkonkele milawo yanu, ceebo muli njiyo mooncana kusangalala.

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Jelemiya 31:14

Bapailishi ndaakubapa shakulya shiinji shibotu akupa bantu bangu shoonse shiyandika mubuumi bwabo. Nebo neMwaami Lesa ndaamba.”

Esekelo 36:30

Ndaakulengesha shisamu shanu kucata shisepo shiinji akulengesha shishango shimwi kucata abuumbi kwaamba ayi mutakanyumfwi nsoni pakati ka mishobo ceebo ca nsala.