Kulumbaisha 85:12 - Baibo Busansulushi Bwa Libuku Ili

¹² Mwaami Lesa ulaakutupa shintu shibotu. Ncakwiila cishi cesu cilaakucata shishango shiinji.

Kulumbaisha 85:12 Marejeleo ya Msalaba

Kulumbaisha 67:6

Lesa, Lesa wesu watupa coolwe, cishi capa butebushi bubotu.

Kulumbaisha 72:16

Amukabe shili anga ngamaila shiinji mucishi cakwe coonse. Shishango ashikanefume patulundu. Ashikacate anga nsheesho sha kuLebanoni. Mandabala anene aakasule bantu, mbweeke bwiisu mbobuswite muluundu.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Isaya 45:8

“Webo oliculu kwiculu uko, losha bululami bweenka makumbi mbwaalosha mfula. Acalo cishi ca panshi acibutambule kwaamba ayi muli ncico lupulusho abululami shiboneke. Nebo neMwaami Lesa ndimeshi nengeshe ayi cicitike.”

Bene Lefi 25:19

Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Mateyo 13:23

Sombi mbuto shakalokela mubulongo bubotu mbantu abo banyumfwa maswi akwe Lesa akwaacita. Aboobo balacata shisepo, bamwi mwaanda, bamwi makumi osanwe alyomwi abalo bamwi makumi otatwe.”

Mateyo 13:8

Ono mbuto shimwi shakalokela pabulongo bubotu akucata shakacata. Shimwi shakacata mwaanda, shimwi makumi osanwe alyomwi ashalo shimwi makumi otatwe.”

Milimo ya Batumwi 2:41

Mpeeke bantu baanji bakashoma maswi akaamba Pita. Lyalo bakabombekwa. Alimwi pabushiku bweenka ubo, bantu aba bakaba mulikoto lyabo mpashi bakalinga shuulu shotatwe.

Milimo ya Batumwi 21:20

Ndibakanyumfwa makani aya bakalumbaisha Lesa. Lyalo bakaambila Paulo ayi, “Omukwabesu Paulo, mwaboona shuulu shiinji sha baJuda bakashoma muMwaami alimwi boonse balicinkite manungo muMilawo yakwe Mose.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.