5 Balicite coolwe abo bapekwa nkusu kuswa kuli ndimwe, ababo batooyanda kuya mukushika kuKalundu ka Siyoni.
Ndakasangalala ndibakaŋambila ayi, “Katiya kuŊanda ya Mwaami Lesa.”
Amulumbaishe Mwaami Lesa, mwebo noonse nobasebenshi bakwe. Amumulumbaishe mwebo nomusebensa muŊanda yakwe mashiku.
NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”
Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.
Webo twakalinga kunyumfwana abuumbi. MuŊanda yakwe Lesa twakalinga kuya soonse.
Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.
Amwiimbe cakusangalala kuli Lesa shinkusu wesu, amoolobeshe cakulumbaisha kuli Lesa wakwe Jakobo.
Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.
“Mukwaamba liina lyangu balaakunokwaamba ayi, ‘MuMwaami Lesa mweenkabo, momuli bululami alimwi ankusu.’ ” Boonse abo bandwana balaakwisa kuli ndime akulenshekwa nsoni.
Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.
Bushiku bulaakushikila beshikulindilila ndyeshi bakaliile patulundu twa kuEfuleemu ayi, ‘Kamwisa tuye kuSiyoni, ee, tuye kuMwaami Lesa, Lesa wesu.’ ”
Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”
Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”
Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.
Ndakonsha kucita shintu shoonse mukwiinga Klistu ngoompa nkusu.