Kulumbaisha 83:5 - Baibo Busansulushi Bwa Libuku Ili

⁵ Balasuminishanya pamuyeeyo wabo akucatana pantu pomwi ayi bamulwaane,

Kulumbaisha 83:5 Marejeleo ya Msalaba

2 Makani 20:11

Ono amubone cishole ncebatootubooshesha! Besa mukututandaanya mucishi ico ncemwakatupa.

Esita 3:6

Lyalo ndyaakeshiba ayi Modekayi ngumuJuda, wakayeeya kutamucaya eenka. Sombi wakabamba nshila yakucailamo baJuda boonse mucishi ca Pesha coonse.

Kulumbaisha 124:3

naakwiinga bakatumina katucili boomi bukali bwabo ndibwakatunyakila.

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Kulumbaisha 74:8

Bakalyamboosha mumyoyo yabo ayi, “Tulaakubanyonyoola cakumaninina!” Bakatenta misena yoonse mucishi, umo Lesa mwaakalinga kulambililwa.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 7:2

Aasi, mwaami wa bene Juda, ndyaakalwiitikwa ayi bene Silya bapaankana abene Efuleemu, lakwe abantu bakwe bakatutuma abuumbi bweenka shisamu mboshitenkaanishikwa kumuuwo.

Jelemiya 33:24

“Sa ulinyumfwite ayi bantu batokwaamba ayi ndisuulite bene Isilaeli alimwi abene Juda, mikowa yobilo iyo njendakasala? Paceebo ceeco bantu bangu balabalanga caminsuula alimwi tabababelengiiwo ayi ngumushobo, sobwe.

Esekelo 25:15

Mwaami Lesa Shinkusu shoonse waamba ayi, “Bene Filisiti bakaboosha cishole amyoyo yalunkutwe amfundilishi njebakalinga kucite kumyoyo ayi banyonyoole bene Juda balwani babo bakulukulu.

Mika 4:11

Bulya ono bamumishobo iinji babungana ayi bakulwaane. Boonse baamba ayi, “Ndabala iyi ilyeelete kunyonyoolwa, ndushinisho tutooyanda kusangalala pakubona ndabala ya Siyoni keenyonyookite.”

Joshuwa 7:9

Bene Kenani alimwi abantu bamwi boonse mucishi cino balaakunyumfwa cikani ici akwisa mukutushinguluka alimwi akutunyonyoola soonse. Ono mwebo mulaakucita buyani ayi liina lyanu likanoocilemekwa?”

Ciyubululo 17:13

Boonse aba bali likumi balicite muyeeyo womwi alimwi balapa nkusu shabo alimwi abuleelo bwabo kumunyama.

Ciyubululo 19:19

Kuswawaawo ndakabona munyama uyo alimwi abamaami ba mucishi ca panshi abashilumamba babo kababungene kwaamba ayi balwane awooyo wakalinga kutantite paliaki abashilumamba bakwe.